အိပ်မက်တွေကောက်သင်းကောက်ရင်း
မနက်တွေလင်းလင်းသွားတာ
အိမ်ရှေ့ကယင်းမာပင်တောင်
အရိုးပြိုင်းပြိုင်းနဲ့
လမ်းမကြီးကို ကျောခိုင်းနေခဲ့ ... ။
နိုးတစ်ဝက်အိပ်တစ်ဝက်နဲ့
အစာပြေငတ်ခဲ့တဲ့မနက်တွေကို
လက်ချိုးရေရလွန်းလို့
စိတ်ဆိုးနေတဲ့လက်တွေလည်း
လှုပ်လီလှုပ်လဲ့နဲ့
မီရာတွေ့ရာတွေကို ကုတ်ဖဲ့နေခဲ့ ... ။
အေးစက်စက်ချိုစိမ့်တစ်ခွက်
လောင်ကျွမ်းနေတဲ့ဆေးလိပ်တစ်ဖက်
အလုပ်ပျက်ခဲ့တဲ့နေ့ရက်တွေတောင်
ယောင်တောင်တောင်နဲ့တမ်းတ
သတိရခြင်းတွေပျိုးချရင်းနဲ့
အတိုးတွေချချခိုင်းနေမိခဲ့ ... ။
အတောင်တစ်စုံမဖြစ်ဘဲ
ပြန်တက်နေတဲ့အတွေးတွေနဲ့
ရေးခြစ်ခဲ့တဲ့ကဗျာတွေဟာလည်း
ဖြစ်ချင်တာသက်သက်များနဲ့
ခံစားမှုကိုထောင်းသွင်းအကျဉ်းချလို့
သဲထဲသွန်ခဲ့တဲ့ရေတွေ
ရေပြန်ဖြစ်ဖို့မလွယ်သလို
စာရွက်တွေပေါ်သွန်ပစ်ခဲ့တဲ့စာတွေဟာလည်း
ကဗျာဖြစ်ဖို့မလွယ်ခဲ့ ... ။
(၂၀၀၉ ခုနှစ်၊ နိုဝင်ဘာလထုတ်၊ ပိတောက်ပွင့်သစ် စာပေ၊အနုပညာမဂ္ဂဇင်းပါ
ကဗျာဖြစ်ပါသည်။)
Subscribe to:
Post Comments (Atom)
No comments:
Post a Comment