တာရာမင်းဝေနဲ့ ရွှေလက်များ

ရွှေလက်များ လူငယ်စာပေပရဟိတအဖွဲ့မှ ဦးဆောင်ပြီး ကဗျာဆရာ စာရေးဆရာ တာရာမင်းဝေကွယ်လွန်ခြင်းသုံးနှစ်ပြည့်အထိမ်းအမှတ်အဖြစ် ကလေးမြို့ ပင်လုံလမ်းမတော်က အောင်မူးဂယ်လာရီမှာ ပြုလုပ်မှာဖြစ်ပါတယ်။ 5/8/2010 ရက်နေ့။ နေ့လည် 12း00မှာ ပြုလုပ်မှာဖြစ်ပြီး တာရာမင်းဝေရဲ့ ကဗျာ၊ ၀တုများကို ရွတ်ဖတ်ကြမှာဖြစ်ပြီး အထိမ်းအမှတ် အကျီင်္၊ အကျွေးအမွေးများနဲ့အတူ စိတ်ပါဝင်စားသူများနဲ့ပြုလုပ်မယ့်အကြောင်း သိရပါတယ်။ ပွဲကျင်းပပြီးစီးသွားရင် ပြည့်ပြည့်စုံစုံ တင်ပေးပါမယ်။

ဆုတောင်းတိုင်းသာပြည့်မည်ဆိုပါလျှင်

စိတ်ထဲရှိတာတွေအကုန်စွန့်ထုတ်လိုက်တာ
မကျေနပ်မှုတွေတောင်ပုံရာပုံဖြစ်လို့
ကံဇာတာချို့နေတဲ့ညနေပျို့ပျို့တွေလည်း
လင်းတစ်ချို့မှောင်တစ်ချို့နဲ့
ဒီလိုပါပဲ ...
အတွေးခြောက်ခြားနေတဲ့ငါနဲ့
ဘေးလျှောက်သွားနေတဲ့ကံကြမ္မာ
တစ်နေရာရာမှာတော့
ဆုံနိုင်စရာရှိတန်ကောင်းပါရဲ့ ... ။

ငါးမရတိုင်းသာ

ငါးမရလည်း
ငါးမရရေချိုးပြန်မယ်တဲ့ ... ။

မင်း ငါးမရလည်း
ရေချိုးပြန်ဖို့ စိတ်မကူးပါနဲ့ကွာ ... ။

မင်းငါးရှာထားတာနဲ့တင်
အိုင်တစ်ခုလုံးပွစာကျဲလို့ ... ။

မင်း ချိုးဖို့စိတ်ကူးရင်
မင်း မင်းငါးရှာထားတဲ့အိုင်ကို
အရင်ပြန်ကြည့်သင့်တယ် ... ။

မင်းပြန်ကြည့်ဖြစ်ခဲ့ရင်
မင်းငါးမရတိုင်းရေချိုးပြန်တဲ့နေရာဟာ
နွံတွေထပြီး ညစ်ထေးနေပြီဆိုတာ ... ။

သူငယ်ချင်းရာ
ချိုးဖွယ်ပျော်ဖွယ်ရှိတဲ့
ကန်တစ်နေရာရာမှာပဲ
မင်းဧကစာကျင့်လို့ ... ။

သူငယ်ချင်း ....
ကျေးဇူးပြုပြီး
ငါးမရတိုင်း ရေချိုးမပြန်ပါနဲ့ကွာ ... ။

မှန်ထဲကငါ

အခုတလောငါ .....
မှန်မကြည့်ဖြစ်တာတော်တော်ကြာပြီ ... ။

ကြည့်မယ့်ကြည့်ဖြစ်တော့လည်း
မှန်ထဲကငါဟာ
ငါမဟုတ်ပြန်ဘူး .... ။

ငါက ပြုံးပြတဲ့အခါ
အဲဒီကောင်က
ငါ့ကို ပါးရွဲ့ပြတယ် ... ။

ငါက မဲ့ပြတဲ့အခါ
အဲဒီကောင်က
ငါ့ကို ရှူံ့မဲ့ပြတယ် ... ။

ဟုတ်တယ်
မှန်အပြင်ကငါနဲ့
မှန်ထဲက သူဟာ
ပယ်ပယ်နှယ်နှယ်ကို လွဲချော်နေတာ .... ။

သေချာပါတယ် .....
ဇရာကြောင်းတွေထပ်နေတဲ့
မှန်ထဲက သူဟာ
ငါမဟုတ်တဲ့ငါပဲ ... ။

ပန်းဆန်ဆန်

ပန်းတွေ ဝေ ကြွေ
သင်္ခါရ
သမားရိုးကျ ဆန်တယ် ... ။

ပင်ထက်မှာ ဝေ
ပင်ထက်မှာပဲ ကြွေ
နွမ်းကြွေအနိစ္စ
လောကဓမ္မ ဆန်တယ် .... ။

ပွင့်ဖူးလို့ ဝေ
ပင်ထက်မှာ မနေ
ကေသာထက်မှာ ဝေ
အဖြည့်ခံဘ၀
လောကအလှ ဆန်တယ် .... ။

ပင်ယံမှာ ဝေပြီးကြွေ
ကေသာမှာနေပြီးနွမ်း
သင်္ခါရသဘင်နန်း
ကြွေခမ်းတာချင်းအတူတူ
အဖြည့်ခံပန်းအဖြစ်
သူ့ကေသာနန်းပန်ဆင်လန်း
ကြွေတဲ့ပန်းက ပန်းဆန်တယ် ..... ။




ဘ၀ကို ... .ဘ၀က ....ဘ၀ဆန်ဆန်

ဘ၀ကို
ကြွနေဆဲလမ်းမပေါ်
ရုပ်ပြဆန်ဆန်ထုဆစ်နေတုန်း
ရင်ခွင်ထဲမှာ
အတ္တတွေက အုံကြွခွင့်တောင်းတယ် ... ။

ဘ၀က ရောင်းတန်းဝင်စနစ်သစ်ဖြစ်ဖို့
ရင့်သထက်ရင့်ကျက်အောင်
ချင့်တွက်မှုပုံစံခွက်ထဲ
ပက်လက်အိပ်နေခဲ့ရ .... ။

ငါက ငါ့ကိုယ်ငါ
သဒ္ဒါစည်းမျဉ်းနဲ့ပြန်ညှိ
အရေခွံချွတ်လှဲကြည့်မိမှပဲ
အရှိကို အရှိအတိုင်းသိရတယ် .... ။

ဘ၀ဆန်ဆန် ငါခြုံထားခဲ့တာ
အပေါ်ယံအလွှာမှမဟုတ်ဘဲ
နစ်ဝင်နေခဲ့တာ
ငါ့နှလုံးသားမှာအရာတွေပေါ်လို့
အနာပေါ် တုတ်မကျသေးခင်
ခပ်ကျဉ်ကျဉ်နေဖို့ကြိုးစား
ဘ၀သမားတွေထဲက ရိုးသားမှုကို
လက်တစ်ဆုတ်စာ ငှားထမ်းထားခဲ့တယ် ...... ။






ခုံဖိနပ်နဲ့မင်းသမီး ... ပြီးတော့ ကျွန်တော်

အဲသည်လမ်းမကြီးပေါ့ ....
ကျွန်တော်ခင်းကျင်းထားတဲ့လမ်းမကြီး
မင်းသမီးရဲ့ ဖိနပ်သံတစ်ဒေါက်ဒေါက်နဲ့
ခဏတာဖြတ်အလျှောက်မှာ
ကျိုးပေါက်သွားတာ ....။

မင်းသမီးရဲ့ ဖိနပ်ခွာမှာ
ကတ္တရာတွေ ကပ်ပါသွားတာ
မင်းသမီးလည်းမသိခဲ့ဘူး
ကျွန်တော့်လမ်းမကြီးကလည်း
တစ်ချက်မှ မငြီးခဲ့ဘူး ... ။

အဖုအထစ်ကြီးကြီးပေါ်လာမှပဲ
နောက်တစ်ခေါက်ဖြတ်လျှောက်တဲ့မင်းသမီး
ခလုတ်တိုက်ပြီးလဲသွားတာ
ကျွန်တော့်လမ်းမကြီးမှာ
နှလုံးသွေးတွေစီးလို့ ..... ။

အရေးမကြီးဘူး
တောင်လေတွေမြောက်ပြန်အတိုက်မှာပဲ
ကျွန်တော့်နှလုံးသွေးတွေ ၀န်းရံစီးလို့
တစ်ထီးတစ်နန်းစံမြန်းနေတဲ့
မင်းသမီးရဲ့ ပြတိုက်အနီးမှာ
နှစ်ချို့ရင်ခုံသံတွေနဲ့အတူကခုန်လို့အပြီး
ကျွန်တော့်ရင်ခွင်ထဲ
မင်းသမီးခိုမှီးလာခဲ့တယ် .... ။



အညမည
ငါတို့က ...
ငါတို့ကိုယ်ငါတို့ ပြန်ပြီးထုဆစ်နေသလိုမျိုး
သူတို့က
သူတို့ကိုယ်သူတို့ပြန်ပြီးထုဆစ်နေကြ ... ။

ငါတို့က ...
ငါတို့သမိုင်း ငါတို့ရေးနေကြသလို
သူတို့က
သူတို့သမိုင်းသူတို့ရေးနေကြ ... ။

ငါတို့က ...
ငါတို့အတွေးနဲ့ ငါတို့ငေးနေကြသလို
သူတို့ကလည်း
သူတို့အတွေးနဲ့သူတို့ ဆွေးနေကြ .... ။

တစ်ခါတစ်ခါ ...
သူတို့က ငါတို့ကိုပြန်ထုဆစ်ပြီး
ငါတို့က သူတို့ကို ပြန်ထုဆစ်ပေးနေရ .. ။

တစ်ခါတစ်လေ ...
သူတို့က ငါတို့သမိုင်းကိုရေး
ငါတို့က သူတို့သမိုင်းကိုရေးပေးနေရတတ်ကြ .. ။

တစ်ခါတစ်ရံ ...
သူတို့အတွက်ငါတို့က တွေးပြီးငေး
ငါတို့အတွက် သူတို့က တွေးပြီးဆွေးပေးနေရတတ်ကြ ... ။

ကဗျာမဟုတ်တဲ့ကဗျာ

အိပ်မက်တွေကောက်သင်းကောက်ရင်း
မနက်တွေလင်းလင်းသွားတာ
အိမ်ရှေ့ကယင်းမာပင်တောင်
အရိုးပြိုင်းပြိုင်းနဲ့
လမ်းမကြီးကို ကျောခိုင်းနေခဲ့ ... ။

နိုးတစ်ဝက်အိပ်တစ်ဝက်နဲ့
အစာပြေငတ်ခဲ့တဲ့မနက်တွေကို
လက်ချိုးရေရလွန်းလို့
စိတ်ဆိုးနေတဲ့လက်တွေလည်း
လှုပ်လီလှုပ်လဲ့နဲ့
မီရာတွေ့ရာတွေကို ကုတ်ဖဲ့နေခဲ့ ... ။

အေးစက်စက်ချိုစိမ့်တစ်ခွက်
လောင်ကျွမ်းနေတဲ့ဆေးလိပ်တစ်ဖက်
အလုပ်ပျက်ခဲ့တဲ့နေ့ရက်တွေတောင်
ယောင်တောင်တောင်နဲ့တမ်းတ
သတိရခြင်းတွေပျိုးချရင်းနဲ့
အတိုးတွေချချခိုင်းနေမိခဲ့ ... ။

အတောင်တစ်စုံမဖြစ်ဘဲ
ပြန်တက်နေတဲ့အတွေးတွေနဲ့
ရေးခြစ်ခဲ့တဲ့ကဗျာတွေဟာလည်း
ဖြစ်ချင်တာသက်သက်များနဲ့
ခံစားမှုကိုထောင်းသွင်းအကျဉ်းချလို့
သဲထဲသွန်ခဲ့တဲ့ရေတွေ
ရေပြန်ဖြစ်ဖို့မလွယ်သလို
စာရွက်တွေပေါ်သွန်ပစ်ခဲ့တဲ့စာတွေဟာလည်း
ကဗျာဖြစ်ဖို့မလွယ်ခဲ့ ... ။

(၂၀၀၉ ခုနှစ်၊ နိုဝင်ဘာလထုတ်၊ ပိတောက်ပွင့်သစ် စာပေ၊အနုပညာမဂ္ဂဇင်းပါ
ကဗျာဖြစ်ပါသည်။)

သဘာဝ ပတ်ဝန်းကျင် ထိန်းသိမ်းရေး အထိမ်းအမှတ်သစ်ပင်စိုက်ပွဲတော်

ကလေးမြို့ ဗိုလ်ချုပ်လမ်း၊ နေသာပညာဒါန ဆရာ၊ ဆရာမများ၊ သရဝဏ် ပညာရေး ဘော်ဒါရပ်ဝန်းမှ မြန်မာစာ ဆရာသန့်ဇင်ဝင်းနှင့် ကလောင်ရှင်များ၊ ရွှေလက်များ ပရဟိတလူငယ်အဖွဲ့များ နည်းပညာတက္ကသိုလ်ကျောင်းသား များ ပူးပေါင်းပြီး ကမ္ဘာ့ပတ်ဝန်းကျင်နေ့ အထိမ်းအမှတ်အဖြစ် နည်းပညာတက္ကသိုလ်နှင့် ထောက်ကြန့်ကျေးရွာ အကြားက ကလေး-မန္တလေး လမ်းမကြီးဘေးမှာ သစ်ပင်အမျိုးပေါင်း တစ်ဆယ့်နှစ်မျိုး၊ အပင်တစ်ထောင်ကျော် စိုက်ပျိုးခဲ့ပါတယ်။ ၁-၆-၂ဝ၁ဝ မှ ၅-၆-၂ဝ၁ဝ ထိ စိုက်ပျိုးခဲ့တဲ့ အဆိုပါ လမ်းမကြီးဟာ အာရှပတ်လမ်းရဲ့ တစ်စိတ်တစ်ဒေသဖြစ်ပြီး လမ်းဧရိယာနဲ့ လွတ်ကင်းပြီး ရေရှည်ထိန်းသိမ်းနိုင်ရေး လိုအပ်သော အကာအရံနှင့် ပြုပြင်မှု၊ စိုက်ပျိုးပြီး သစ်ပင်များ ရှင်သန်ကြီးထွားရေးကိုပါ ကလေးခရိုင်သစ်တောဦးစီးဌာနက အပြည့်အဝ ပါဝင်ကူညီ အားပေးခဲ့ပါတယ်။

သန်းညို့
(ဈေးကွက်ဂျာနယ်မှ ကူးယူဖော်ပြသည်)

ချင်းတောင်တန်းပေါ်ကရွာချလိုက်တဲ့အလွမ်းတွေ

ပျော်စရာတွေကိုပလိုင်းထဲထည့်သယ်လာမယ့်ညီမလေးကတောင်ယာမှာ
ပေါင်းနှုတ်နေတုန်းပဲဆိုပါတော့
ဆန်ကြမ်းနဲ့ရောစားရတဲ့အိပ်မက်တွေဟာမချိုဘူး
ရိုးရာမပျက်စနစ်တကျအလိုမပြည့်မှုတွေနဲ့
တစ်ဖက်ခြေတံရှည်အိမ်ကလေးမှာမီးခိုးနံ့သင်းနေခဲ့။

အဖေလည်းအဝေးကြီးမှာ
တောင်ယာတွေကိုသတိရနေမလား
တစ်ခုခုလိုနေတဲ့ညနေစာထမင်းဝိုင်းလေး
စားပွဲအိုပေါ်မှာအကျဉ်းစံ..။

နှင်းငွေ့တို့ပွဲသိမ်းအကွက်နင်းချိန်တော့
ကျွန်တော့်ဆီကထွက်ခွာသွားသူတွေ
ကျွန်တော့်ထံပြန်လာကောင်းပါရဲ့
လမ်းတွေကအကွေ့ကွေ့အ၀ိုက်ဝိုက်
အကျပ်အတည်းဆီကိုဦးတည်သွား
ဘယ်ရနံ့ကများချောင်လည်လို့လဲ။

သမိုင်းဦးကနေ.....ဒီနေ့အထိ
အကြောင်းရာစုံပေါ်
အလွမ်းမွဲမွဲတွေရွာချနေရတယ်........။...............။



အောင်မှူးဝေ


၁၈.၆.၂၀၁၀

နှင်းကြည်လွင်(သို့မဟုတ်)ရထားမ၀င်တဲ့ဘူတာပျက်ကလေး

ပေါ့ပေါ့ပါးပါး ရယ်မောလှုပ်ရှား စားသောက်အသက်ရှင်ချင်
မီးခိုးငွေ့တွေလို
နှင်းဆီပန်းတွေလိုခဏပွင့်သွားတဲ့
အဆင်ပြေပြေမနက်ခင်းများမှာနှင်းကြည်လွင်
ဘုရားမသွားပါ
နတ်ဆိုးတွေဝှက်ထားတဲ့ညအံဝှက်ထဲ
အမဲလိုက်ဖို့ချောင်းနေပါတယ်။
မြို့တော်ခန်းမရှေ့
ထိုးဆိုက်လာတဲ့အထူးကားပေါ်မှာနှင်းကြည်လွင်မပါ
မြို့သစ်ကို
သန်းခေါင်ကျော်မှရောက်ပါမယ်။
မိသားစုပရိယေသနများသူ့ခေါင်းပေါ်
ခိုတွေလိုအသိုက်ဖွဲ့နေလို့
ဆူးလေလမ်းမပလက်ဖောင်းများမှာနှင်းကြည်လွင်
ခိုစာရောင်းပါတယ်။
မျက်လုံးပေါင်းများစွာကနေ
လျှံကျလာသောအထင်သေးမှုများ....
နှင်းကြည်လွင်ကိုမသတ်ဖြတ်နိုင်ပါ။

ကျွန်တော်ဆက်လက်မရေးရက်တော့တဲ့ကဗျာတစ်ပုဒ်ပါနှင်းကြည်လွင်။
မိဘလုပ်အားနဲ့အသက်ရှင်နေတဲ့သမီးများရဲ့ပျော်ရွှင်မှုတချို့တ၀က်လောက်နှင်းကြည်လွင်ကိုမျှဝေပေးကြဖို့တောင်းဆိုချင်ပါတယ်။လူသားချင်းစာနာထောက်ထားသဖြင့်ပေါ့ဗျာ။
(ကျွန်တော့်မေးလ်ထဲကိုရောက်လာတဲ့ အမည်မသိ ကဗျာဆရာတစ်ယောက်ရဲ့ ကဗျာတစ်ပုဒ်ကို ကြိုက်လို့ တင်ဆက်လိုက်ပါတယ်။ မိတ်ဆွေတို့လည်း ကြိုက်မယ်ထင်ပါရဲ့)

မြစ်

ကွေ့တယ်
ကောက်တယ်
ေ၀၀ိုက်တယ်
ေ၀၀ုစ်တယ်
ရေနှစ်ခါချိုးလို့မရဘူး
ပြီးတော့
ကောင်းကင်ကြီးတစ်ခုလုံးလိုလို
သူ့ကို အထက်စီးကဆက်ဆံပေမယ့်
ဘယ်တော့မှ ရန်မတွေ့ဘဲ
သူ့သဘာဝအတိုင်း
ယဉ်ယဉ်ကျေးကျေးစီးမျောတယ်။ ။

မိုဃ်းဇက်သော်

အပျံသင်စ ညဥ့်ငှက်တစ်ကောင်ရဲ့လားရာ

ညကြီးမင်းကြီး လရောင်ငတ်တဲ့ပလက်ဖောင်းပေါ်က
အမျိုးသမီးလေးဟာ
ရေမရှိတဲ့ အရပ်ကလာလို့ ရေတိမ်နစ်တယ်
ငါးမန်းတွေများ ဆွဲသွားသလား

အဖြစ်က မနှစ်ကနဲ့ကို မတူဘူးဆိုပြန်တော့
ကူညီချင်လို့ပါကွယ်တဲ့
သူရာခိုးရိုက်နေတဲ့ သူငယ်အိမ်ဟာ
ရမ္မက်ရထားကို သံရှည် ဥသြဆွဲနေတယ်

နောက်တော့
စည်ပိုင်းသဏ္ဍာန်လူကြီးရဲ့
ခပ်ပြည့်ပြည့် အသပြာအိတ် ပုတ်ပြသံအဆုံးမှာ
မထူးတော့ပါဘူး
အမေအိုကို ကျွေးဟောင်းဆပ်ဖို့
သူ့ကိုယ်သူ သားရဲတွင်းထဲပစ်ချ
ကျားစာကျွေးပစ်လိုက်တော့တယ်။ ။

မိုဃ်းဇက်သော်

အချိန်များနှင့် ခရီးသွားခြင်း

မနေ့က .......
အိပ်မက်များကို ပြန်တူးဆွတော့
စိတ်ကူးအပျက် တစ်ခုနဲ့
နာရီ ရထားတစ်စင်း
တွေ့ရှိခဲ့တယ် ......။

တချို့ကတော့ ဝေဝေဆာဖူးပွင့်လို့
တချို့ကတော့ နွမ်းရိခြောက်သွေ့
တချို့လည်းြွေကလွင့်ခဲ့ပြီ ........
ကျော်လွန်ခဲ့တဲ့ ဘူတာတွေ
လွမ်းဆွတ်နေရုံမှ ဆုပ်ဆုပ်ပိုင်းခွင့်မရှိ ။

အတိတ်ကိုပြန်ငဲ့ကြည့်
မောင်ကံချိုရှိသည် ။
မြဆင့်ချယ်ရှိသည် ။
အငြင်းအခုံများ ရှိသည် ။
စနေစာပေအဖွဲ့ရှိသည် ။
ကုက္ကိုပင်တန်းတွေရှိသည် ။
နာရီစင် ရှိသည် ။
စက်ဘီးစီး ယဉ်ကျေးရှိသည် ။
ရည်းစားများလည်း ရှိသည် ။
မိုးနတ်မယ်ဆိုင် ရှိသည် ။
အခုတော့ ......
မမြဲခြင်းကို မလွန်ဆန်နိုင်ပြီဘဲ ။

ကမ္ပည်းမှာ တင်ကျန်
အလံကို စိုက်လို့
မသေတဲ့ဆေးကို သူစား
ကျောက်သား ရာဇဝင်ကို ထုထွင်းခဲ့
တမ်းခြင်းမဲ့တဲ့ မှတ်တိုင်တွေ
ဖေါက်ခဲ့တဲ့ လမ်းပေါ်
အရံသင့် စီးဆင်းနေရုံနဲ့
ငါတို့ ကျေနပ်ကြမှာလား .......။

ကိုယ်ရည်သွေး တီးလုံးတွေမတီးဘဲ
စိမ်းလန်းတဲ့ တောအုပ် စိုက်ပျိုးကြရအောင်
အတ္တဟိတ စကားလုံးလှိုင်းတွေ
ရိတ်သိမ်းကြရအောင်
မဟောင်းသော နေ့သစ်မှာ
မှတ်တိုင်တွေသာ စိုက်ထူကြစို့ ........။

ယွန်းအိမ်

(ကို ယွန်းအိမ် ရဲ့ ကဗျာကို ကြိုက်လို့ဖော်ပြလိုက်တာပဲဖြစ်ပါတယ်။ မြဆင့်ချယ် နှစ်နှစ်ပြည့်အမှတ်တရလည်း ဖြစ်သွားတာပေါ့။)

အရသာမရှိတဲ့မနက်ခင်း

လျှာပေါ်ရောက်တာနဲ့ ခါးသီးတော့တာပဲ
အသားလိုလို့အရိုးတောင်းတဲ့စကားတွေ
ခါးမယ့်အတူတူအရသာမဲ့နေတာကပိုမကောင်းဘူးလား
တစ်ဘ၀စာငြိမ်းချမ်းဖို့
ဘယ်လိုအရသာတွေလိုအပ်လဲ/ဘယ်ပုံမှီဝဲရမလဲ
ကိုယ့်ဘက်က
အသံကုန်ဟစ်ပြီးကမ်းပြိုပေးလိုက်တာတောင်
ကောင်မလေးရယ်.....
ညည်းမြစ်ကမ်းကသောင်မထွန်းခဲ့ဘူး
အရသာမရှိတဲ့...အဲဒီမနက်က
လဘက်ရည်ခွက်တွေကျကွဲလို့
စားပွဲထိုးလေးတစ်ယောက်
အိပ်မက်ဘီးပေါက်သွားခဲ့တယ်။
အရသာမရှိတဲ့..အဲဒီမနက်က
ပဲပြုတ်သည်တစ်ယောက်တောင်းမှောက်လို့
အမာခံဟင်းတစ်ခွက်
စားပွဲပေါ်မှာတိုက်ပွဲကျခဲ့တယ်
အရသာမရှိတဲ့အဲဒီမနက်က
ရဲရင့်သူမိန်းမကြီးတစ်ဦးကို
ခွေးရူးတွေက၀ိုင်းဆွဲလို့
အရေးပေါ်ခန်းတွေသက်ဝင်လှုပ်ရှားသွားခဲ့တယ်။
အရသာမရှိတဲ့အဲဒီမနက်က
သီးသန့်နယ်မြေဆိုတာမရှိ
ကူးစက်နယ်မြေသာရှိကြောင်း
နှလုံးသားရေးရာအဖွဲ့ချုပ်
အမုန်းဌာနစိတ်မှ ကြေငြာခဲ့ပါတယ်။
အရသာမရှိတ့အဲဒီမနက်က
လူများ.ပျော်စရာတွေနဲ့ပူလောင်လို့
ပူလောင်စရာတွေနဲ့ပျော်လို့
တကယ်တော့
လူတွေရောပျော်စရာတွေပါ
ပူလောင်နေခဲ့ပါပြီ..။
အရသာမရှိတဲ့အဲဒီမနက်က..
မြွေဆိုးတစ်ကောင်ဟာ
ပုံပြင်ထဲမှာ
တိတ်တိတ်ကလေးအစာငတ်ခဲ့တယ်။ ။

အောင်မှူးဝေ

ချင်းတောင်တန်းပေါ်ကရွာချလိုက်တဲ့အလွမ်းတွေ

ပျော်စရာတွေကိုပလိုင်းထဲထည့်သယ်လာမယ့်ညီမလေးကတောင်ယာမှာ
ပေါင်းနှုတ်နေတုန်းပဲဆိုပါတော့
ဆန်ကြမ်းနဲ့ရောစားရတဲ့အိပ်မက်တွေဟာမချိုဘူး
ရိုးရာမပျက်စနစ်တကျအလိုမပြည့်မှုတွေနဲ့
တစ်ဖက်ခြေတံရှည်အိမ်ကလေးမှာမီးခိုးနံ့သင်းနေခဲ့။

အဖေလည်းအဝေးကြီးမှာ
တောင်ယာတွေကိုသတိရနေမလား
တစ်ခုခုလိုနေတဲ့ညနေစာထမင်းဝိုင်းလေး
စားပွဲအိုပေါ်မှာအကျဉ်းစံ..။

နှင်းငွေ့တို့ပွဲသိမ်းအကွက်နင်းချိန်တော့
ကျွန်တော့်ဆီကထွက်ခွာသွားသူတွေ
ကျွန်တော့်ထံပြန်လာကောင်းပါရဲ့
လမ်းတွေကအကွေ့ကွေ့အ၀ိုက်ဝိုက်
အကျပ်အတည်းဆီကိုဦးတည်သွား
ဘယ်ရနံ့ကများချောင်လည်လို့လဲ။

သမိုင်းဦးကနေ.....ဒီနေ့အထိ
အကြောင်းရာစုံပေါ်
အလွမ်းမွဲမွဲတွေရွာချနေရတယ်........။...............။



အောင်မှူးဝေ


၁၈.၆.၂၀၁၀

ကဗျာဆရာဟုခေါ်ဆိုခြင်းမပြုရနယ်မြေ(သို့မဟုတ်)အောင်မှူးဝေ

ကျွန်တော်တို့နယ်မြို့ကလေးမှာ
ဝါသနာတူတွေစုဝေးပြောဆိုကြတဲ့စာစကားပေစကားတွေရှိခဲ့ဖူးတယ်။
ကိုယွန်းအိမ်တုိ့၊သစ်မှိုင်းလွင်(ယောမြေ)တို့..ပြီးတော့သော်တာစံ၊မောင်ကိုမောင်၊ကိုဆူးချင်းတောင်ခြေ။
လူလတ်ပိုင်းစာရေးသူတွေ။
ကျွန်တော်တို့ကြိုက်တဲ့ကဗျာကိုဘာကြောင့်ကြိုက်တယ်ဆိုတာမျိုး.......
အက်ဆေးဆိုလည်းဘယ်သူရေးတာဘယ်လိုဖြစ်တယ်ဆိုတာမျိုး.......

စပ်မိစပ်ရာစာပေစကားလေးတွေပြောကြရင်းနဲ့
ကျွန်တော်တို့နောက်ကျောကိုကဗျာကဓားနဲ့ထိုးသွားတာမသိလိုက်ကြဘူး။
ကဗျာရေးရတာဝါသနာပါသွားကြပုံပြောပါတယ်။
အဲနှစ်ကာလတွေလွန်မြောက်ပြီး(၇)နှစ်လောက်ကြာတဲ့အခါမှာ...
ကျွန်တော်တို့တွေစာမျက်နှာတော်တော်များများပဲရေးသားပြီးကြပြီ၊ကိုယွန်းအိမ်တု့ကတော့အွန်လိုင်းပေါ်တင်ကြသတဲ့။
သော်တာစံတို့ကျွန်တော်တို့ကတော့နည်းပညာသိပ်မကျွမ်းသူတွေဆိုတော့မဂဇင်းတွေမှာပဲဝင်တိုးဖြစ်ကြပါတယ်။
မဆိုးပါဘူး။ခရီးတွင်သင့်သလောက်တော့တွင်ကြတာပါပဲ။



အရင်ကကဗျာဆရာလို့ခေါ်ရင်သဘောကျတဲ့ကျွန်တော်တို့ဟာအကြီးမားဆုံးပြောင်းလဲမှုနဲ့ကြုံနေရပါပြီ။
အခုကာလမှာကျွန်တော်တို့ကို
ကဗျာဆရာလို့ခေါ်ဆိုခွင့်မပြုတော့ပါဘူး။ဘာလို့လဲ...ကျွန်တော်တို့ကဗျာသမားတွေရဲ့ဘ၀ကလုံးဝ..
ကဗျာမဆန်ကြလို့ပါပဲ။ကိုယ်ရေးတဲ့ကဗျာလောက်မှကဗျာမဆန်တဲ့ဘ၀မှာဘာလို့ကဗျာဆရာအခေါ်ခံနေဦးမှာလဲဗျာနော့။
နှစ်ပေါင်း၂၀ကျော်ကဗျာဆန်ခွင်မရတဲ့နတ်ဆိုးတို့ရဲ့ဥယျာဉ်ထဲမှာကျွန်တော်တို့ဟာအဆိပ်ပင်စိုက်သူတွေလို့သူတို့ကထင်နေကြမှတော့...။
ကျွန်တော်တို့ကိုယ်ကျွန်တော်တို့
ကဗျာဆရာဟုခေါ်ဆိုခြင်းမပြုရနယ်မြေသတ်မှတ်လိုက်တာပဲကောင်းပါတယ်။
ကျွန်တော်တို့ဘယ်လောက် ကြိုးစား..ကြိုးစား
ကဗျာတွေကအင်္ဂါမစုံပဲမွေးဖွားလာကြတော့တာကိုက.....ဘယ်လောက်ကဗျာမဆန်လိုက်သလဲလို့..။




အောင်မှူးဝေ


၁၅.၆.၂၀၁၀

မှတ်ချက်။ ။စတိုင်သစ်မဂဇင်းမှာအဖြုတ်ခံလိုက်ရတဲ့အက်ဆေးလေးရဲ့အစိတ်အပိုင်းတစ်ခုပါ။

ဆရာ မြဆင့်ချယ် သို့(၂) နှစ်ပြည့် အလွမ်း စာစုများပေးပို့နိုင်

ဆရာ မြဆင့်ချယ် သို့(၂) နှစ်ပြည့် အလွမ်း စာစုများပေးပို့နိုင်

ကလေးမြို့ မှ ကွယ်လွန်သူ စာရေးဆရာ မြဆင့်ချယ်၏ ၂၀၁၀ ခုနှစ် ဇွန်လ ၁၇ ရက်နေ့တွင် ကျရောက်မည့် ၂နှစ် ပြည့် အထိမ်းအမှတ် အဖြစ် ပြုလုပ်သွားမည်ဖြစ်ပါ၍ အမှတ်တရ စာ/ ကဗျာ/စကား များကို kalay.328@gmail.com / trphee.91@gmail.com သို့ရေးသားပေးပို့နိုင်ပါသည်။

စာရေးဆရာ မြဆင့်ချယ်၏ ကိုယ်ရေး အကျဉ်း
အမည်ရင်း ၀င်းဗို(ခ) ၀င်းနောင်ဆင့် ဖြစ်သည်။ ၁၉၆၅ ခုနှစ် ဒီဇင်ဘာလ (၂၂) ရက် ဗုဒ္ဓဟူးနေ့ တွင် စစ်ကိုင်းတိုင်း၊ကလေးမြို့ တွင် အဘ (ဦးဆင့်) အမိ (ဒေါ်တင်မြ) တို့မှ မွေးဖွားခဲ့သည်။ မွေးချင်း (၁၂) ယောက် အနက် (၈) ယောက်မြောက် သားဖြစ်သည်။
၁၉၈၁-၈၂-၈၃ တွင် တက္ကသိုလ်ဝင်တန်းကို ၀င်ရောက်ဖြေဆို၍ မအောင်မြင် သည့်နောက် ဘ၀မျိုးစုံတွင် ကျင်လည် ခဲ့သည်။ ထိုမှ စ၍ ၁၉၈၄ ခုနှစ်တွင် “နွေဆင့်ဆင့်နှောင်း” ဟု အမည်ရသော စာအုပ် အငှားဆိုင်ကို ဖွင့်လှစ်ခဲ့သည်။
၁၉၈၃ ခုနှစ် ဇူလိုင်လ ရုပ်ရှင် အောင်လံ မဂ္ဂဇင်းတွင် “ဂျူလီဆင်မြူရယ်” အချစ်ကဗျာဖြင့် စာပေနယ်သို့ စတင်ဝင်ရောက်ခဲ့သည်။ ၁၉၉၁ ခု ဖေဖေါ်ဝါရီလ လတွင် ပေဖူးလွှာ မဂ္ဂဇင်းတွင် အသက်အငယ်ဆုံး ကဗျာဆရာအဖြစ် “တစ်စုံတရာ” ကဗျာ ဖေါ်ပြခံရသည်။
၁၉၉၅ ခုနှစ် “ကလေး - နတ်ချောင်း” ရထားလမ်းဖွင့်ပွဲ အထိမ်းအမှတ် ကဗျာ ပြိုင်ပွဲတွင် “ရထားအမေ” ကဗျာဖြင့် ပထမဆု ရရှိခဲ့သည်။
၁၉၉၆ ခုနှစ် တွင်ပင် မီးရထား ၀န်ကြီးဌာနမှ ပြုလုပ်သော စာပေပြိုင်ပွဲတွင် ၀င်ရောက်ယှဉ်ပြိုင်၍ “ အလယ်က အသံ” ဟု အမည်ရသော ၀တ္ထူဖြင့် ဒုတိယဆု ရရှိပြီး စာအုပ်အဖြစ် ထွက်လာချိန်တွင် ထိုဝတ္ထူ ဖေါ်ပြခြင်း မရှိခဲ့ပေ။
ယင်းဆုပေးပွဲမှ အပြန် “ဆုခရီးစဉ်” ဆာင်းပါးကို ဆရာ မြတ်ခိုင်၏ မန္တလေးဂျာနယ် မဂ္ဂဇင်းတွင် ဖေါ်ပြပါရှိပြီး စာပေလောကကို ဂယက်ထ စေခဲ့သည်။ “မြဆင့်ချယ်” ဟူသော ကလောင်အမည်ကို လူသိထင်ရှား ဖြစ်စေခဲ့သော ဆောင်းပါဖြစ်ပြီး စာအိုးနှင့် ဗေဒါညိုတို့၏ ဝေဖန်ခြင်းကို ပြင်းထန်စွာ ခံရသူဖြစ်သည်။
၁၉၉၆ ခုနှစ် တွင် တတိယအကြိမ် မိုးမိုးအင်လျား အမှတ်တရ ရသ ၀တ္ထူတို ပြိုင်ပွဲတွင် “ခေါင်ခါးခါး” ဟူသော ကလောင်ခွဲဖြင့် နှစ်သိမ့်ဆု တက်ယူခဲ့သည်။ ၀တ္ထူအမည်မှာ “အဖြူအမည်း မြင်ကွင်းကျယ်” ဖြစ်သည်။
၁၉၉၆ ခုနှစ်တွင် မိုးကုတ်မြို့ စိန်ပန်းပြာ ကဗျာစာပေအသင်းမှ ပြုလုပ်သော အမေကဗျာ ဖိတ်ခေါ်ပြိုင်ပွဲတွင် တတိယဆု ကိုရရှိခဲ့သည်။
၁၉၉၈ ခုနှစ်တွင် ပဉ္စမအကြိမ် မိုးမိုးအင်းလျား ၀ထ္ထုတို ပြိုင်ပွဲတွင်“ဟိုဘက်လမ်းမှာ လူဆိုးတွေရှိတယ် နှင့်အခြားဝတ္ထုတိုများ” ၀ထ္ထုဖြင့် ဒုတိယဆုကို ရရှိခဲ့သည်။ ၁၉၉၉ ခုနှစ် ဆဌမအကြိမ် မိုးမိုးအင်းလျားဝထ္ထုတိုပြိုင်ပွဲတွင်“ခုခံအား ကျဆင်းသူများရဲ့ညနေ” ၀ထ္ထုဖြင့် အထူးဆုကို ရရှိခဲ့သည်။ ထိုမှစ၍ “စုကောက်စိမ်း(ကလေးဈေး)”ဟူသော ကလောင်အမည် ကိုမွေးထုတ်ခဲ့သည်။
၁၉၉၉ ခုနှစ် ရာပြည့်အကြို ဆရာကြီးဇေယျ အထိမ်းအမှတ် ပထမအကြိမ် ၀ါမိုးအောင် ၀ထ္ထုတိုပြိုင်ပွဲတွင် “ငှက်ကလေးတွေက တသုန်သုန်”၀တ္ထု စုကောက်စိမ်း (ကလေးဈေး) ၊ကလောင်ဖြင့် အထူးဆုရရှိခဲ့သည်။ ၂၀၀၀ ခုနှစ်သတ္တမအကြိမ်မြောက် မိုးမိုး(အင်းလျား)၀တ္ထုတို ပြိုင်ပွဲတွင် “ငှက်ခြေရာ လေမှာ ထင်စေတော့ရယ်လို့” ၀တ္ထုကို စုကောက်စိမ်း(ကလေးဈေး) အမည်ဖြင့်ပင် ဒုတိယဆု ရရှိခဲပြန်၏။
၂၀၀၂ ခုနှစ်တွင် ရွှေအမြုတေ ဦးဝင်းငြိမ်း ရွေးချယ်သည့် ဒုတိယအကြိမ် မြောက် အမေ ၀တ္ထုတိုပြိုင်ပွဲတွင်“ အနောက်ဘက် ကိုင်းနေသော သစ်ပင်များ” ၀တ္ထုကို ခေါင်းခါးခါး(ကလေး) အမည်ဖြင့် အထူးဆု ရရှိခဲ့သည်။
သူ၏အခြားကလောင် အမည်များမှာ သူးသူးလှည့်၊သိခက်သွေ၊ ရှိလက်ရွှေ၊ လက်စွမ်းချို၊ စွန်းဦးတင်၊ စစ်မြချို ၊လေညှင်း(ကလေး)၊ ညီညိုညက်၊ စစ်အောင်နိုင်၊ လေးလေးချော ၊ သမီးချော(ချင်းတောင်ခြေ)၊စိုမြလွင်၊ သင့်ကိုယ်စေ၊မြမောင်းချိန်၊အိုအိုခေါင်၊မြခေါင်စု၊ရိုးရိုး(ကလေး)၊စီဆီယီရီ၊စသည့် ကလောင်ခွဲများစွာဖြင့် ရေးသားခဲ့သည်။
သူ၏နောက်ဆုံး ရေးသားခဲ့သော စာမူမှာ “အိပ်မက် ဖူးကို တူးဖော်ကြသူများ” ဆောင်းပါးဖြစ်ပြီး ၂၀၀၈ ဇူလိုင်လထုတ် မြန်မာ့ ဓန မဂ္ဂဇင်းတွင် မျက်နှာဖုံးဆောင်းပါး အဖြစ်ပါရှိခဲ့သည်။
မြန်မာ့ဓန မဂ္ဂဇင်းမျက်နှာဖုံး ဆောင်းပါးအဖြစ် (၃) ကြိမ်မြောက် နောက်ဆုံး ဆောင်းပါးဖြစ်သည်။
ပထမအကြိမ်မှာ“နယ်စပ်မျဉ်းပေါ်က ငွေနှင်းမှုန်မှုန် နန်းဖာလုံနှင့် ရင်ခုန်ရသော အခြားဝတ္ထုတိုများ”(၂၀၀၂ ခုနှစ်မတ်လ)
ဒုတိယအကြိမ်မှာ “ချင်းတောင်ခြေသွားတောလား” ၂၀၀၂ ခုနှစ် ၊ဇူလိုင်လ တွင် မျက်နှာဖုံးဆောင်းပါး အဖြစ် ပါရှိခဲ့သည်။
သူ၏အကြိုက်ဆုံး စာရေးဆရာမှာ သိန်းဖေမြင့် ဖြစ်ပြီး အကြိုက်ဆုံး နိုင်ငံတကာ စာရေးဆရာမှာ ဂျွန်စတိန်းဘက် ဖြစ်သည်။ အကြိုက်ဆုံး စာအုပ်တစ်အုပ်မှာ မောင်လွန်းကြင်၏ “မေတ္တာ မြနှင်းရည် နှင့် အခြားဝတ္ထုတိုများ” စာအုပ်ဖြစ်သည်။
၂၀၀၈ ခုနှစ် ရွှေ အမြုတေ ၀တ္ထုရှည်စာပေဆု“ အာရုံများရဲ့ အာရုဏ်ဦး” ၀တ္ထုကို ခေါင်ခါးခါး(ကလေး)ဖြင့် ရရှိခဲ့သည်။
၁၉၉၉ ခုနှစ် နိုဝင်ဘာတွင် သာသနာ့ဘောင်သို့ ၀င်ခဲ့ပြီး ဦးဝိမလဘွဲ့တော်ဖြင့် သက်တော်(၄၄) နှစ် သိက္ခာတော် (၉)၀ါ၂၀၀၈ ခုနှစ် ဇွန်လ (၁၇)ရက် ည (၁၀း၃၀) တွင် (၉၆) ပါးသော ရောဂါဖြင့် ကလေးမြို့သံဃာ ဆေးရုံ၌ ပျံလွန်တော်မူ သည်။ မြဆင့်ချယ် (ခေါ်) ဦးဝိမလသည် ၂၀၀၈ ခုနှစ်ရွှေအမြုတေ စာပေဆုပေးပွဲ တက်ရောက်ရန် ဖိတ်ကြားခြင်း ခံရပြီး ဆုပေးပွဲ ကျင်းပရက် မတိုင်မီ ရက်ပိုင်းအလို၌ ဘ၀နတ်ထံ ပျံလွန်တော် မူခဲ့ခြင်းဖြစ်သည်။


မငွေ
ရေးသူ မြဆင့်ချယ်

မငွေ မငွေ
ခင်ဗျားက……ကံကြမ္မာကို မယုံဘူး
ဘာသာရေးကို ….အလေးမထားဘူး
ဆွေမျိုးတွေနဲ့ဝေး……၀န်းကျင်းကို အရေးမလုပ်ဘူး။

ခင်ဗျားက
ပတ်ချွဲနပ်ချွဲနဲ့
ကောင်းကောင်းယုယပြတတ်တဲ့
ယောင်္ကျားတွေကိုပဲ အားထားတယ်

မငွေ…..
ခင်ဗျားက
ခင်ဗျား တွေ့ဖူးတဲ့ ယောင်္ကျားတွေနဲ့
ခင်ဗျားအတွက် မှားသလား…..မှန်သလား
ကျွန်တော်မစဉ်းစားမိပေမယ့်
ကျွန်တော့ အတွက် ခါးသီးရတယ်ဆိုတာတော့
အားနာနာနဲ့ ပြောပါရစေ။

မငွေ….
ခင်ဗျားက ယောင်္ကျားတွေကို ငွေနဲ့ပေးဝယ်တယ်
ခင်ဗျားမလိုချင်တဲ့အခါ
ပြန်ရောင်းထုတ်လို့ ရဖူးပါသလား

မငွေ….
မမြင်ရတဲ့ အရာတွေကို
ဘာလို့များ ချောင်းကြည့်နေတာလဲဗျာ
မမြင်ရတဲ့ အရာတွေကြား
လေ…..ပြီးရင်တော့ ယောင်္ကျားတွေပါ။

မငွေ….
ကျွန်တော်အရက်ကြိုက်တော့
ခင်ဗျားက အရက်ဝယ်တိုက်တယ
ကျွန်တော် အလုပ်မရှိတော့
နေ့စဉ် အသုံးစရိတ် ထုတ်ပေးမယ်။
တောင်းမှာ အကွပ်ဆိုပြီး
ကျွန်တော့ကို အ၀တ်တွေ ဆင်ပေးတယ်။
ဒါပေမဲ့…..

ခုတော့
ခင်ဗျားက
ယောင်္ကျားတွေကို အကြိုက်လိုက်လိုက်ပေးရင်း
ယောင်္ကျားတွေကို အရွဲ့တိုက်တိုက်ပြေးရင်း
ခင်ဗျားထိုးပေးတဲ့ ပါးကလေးကို
ကျွန်တော် မွှေးမွှေးမပေးဝံ့ ခဲ့ဘူး
ကျွန်တော့်ဘ၀ကို ကျွန်တော်တွန့်တိုတော့
ခင်ဗျားငိုပြန်ရော
ဒါမျိုးကိစ္စဆိုတာ သနားလို့မှမရတာ။

မငွေ….
ခင်ဗျားက
ယောင်္ကျားတွေကို ယောင်္ကျားတွေနဲ့ အရွဲ့တိုက်တယ်။
ယောင်္ကျားဆိုတာက
မိန်းမတွေ အရွဲ့တိုက်ဖို့ရာ
လိုက်ဖက်တဲ့အရာ မဟုတ်မှန်း
ခင်းဗျား ဆန်းစစ်ခဲ့ဖို့ကောင်းတာပေါ့။
လှည်းနင်းခံနေရတဲ့ ခွေးအမကြီးနှယ်
မရှူနိုင်မကယ်နိုင် ဒုက္ခရောက်တော့
ဘယ်သူက တစ်ခေါက်လာတွေ့ဖူးပါသလဲ။

တစ်ခါတစ်ခါတော့
သတိရပါတယ်…မငွေ
လွမ်းတယ်လို့တော့ ဟုတ်ဘူးပေါ့ဗျာ
ကျေးဇူးတင်စရာတွေက အများသား
ကျွန်တော်….မူးယစ်ဆေးဝါးသားကောင်ဘ၀နဲ့
ခွေးလိုတောင် မဟောင်နိုင်တဲ့ဘ၀မှာ
ခင်ဗျားက အိမ်ပေါ်ခေါ်ပျော်အောင်ထား
စားချင်တာဝယ်ကျွေး
“အေး…..မင်းဆေးဖြတ်ရမယ်”ဆိုပြီး
ကျွန်တောဘ၀ခရီးကို တဆစ်ချိုးပေး
အမေ့ရဲ့ ဒုက္ခအိုးကလေးလို သဘောထားလို့
ကိုယ့်သွေးသားနှယ် ပြုစုခဲ့တာတွေလည်း
ခုထိ….မေ့ပါဘူးဗျာ။

ငါ့မောင်….ငါ့မောင်….နဲ့
ခင်ဗျားထောင်သာကျသွားတယ်
ခင်ဗျား ကျွန်တော့်ကို ရမသွားဘူမို့လား။
ခင်ဗျားတွေ့ဖူးတဲ့ ယောက်ျားတွေနဲ့
ကျွန်တော့ကို တစ်တန်းတည်း ထားခဲ့ပေမယ့်
ခင်းဗျား…..အားစိုက်ခဲ့ရတာပဲ အဖတ်တင်တယ်
မဟုတ်ဘူး။
ပွင့်ပွင့်လင်းလင်း ပြောရရင်တော့
ခင်ဗျားကို….ကျွန်တော် ချစ်ကြည့်ခဲ့ဖူးပါတယ်
ဖျစ်ညှစ်ပြီးကို ….ကြိုးစားချစ်ကြည့်ခဲ့ဖူးပါတယ်။

ဒါပေမဲ့…
ကျွန်တော် ချစ်ချင်စရာလို့
ခင်ဗျားမှာ အသံလေးတောင် မရှိခဲ့ဘူး၊
ဘုရားစူးစေံ
ရင်တောင် ငွေ့ငွေ့မခုန်ခဲ့ပါဘူး
စက်ဘီးတစ်စီးတည်း တူတူမစီးရဲအောင်ကို
ခင်ဗျားကို ကျွန်တော် ချစ်မရခဲ့ဘူး။
ခင်ဗျားကို ကျွန်တော် ချစ်မရခဲ့ပုံများ
ခုနေ….ပြန်တွေးတာတောင်
ယောင်ယောင်လေးမျှ ချစ်မရသေးပါဘူး
ခင်ဗျားကြီး ကျွန်တော်မချစ်ဘူး။

မငွေ…ရာ
ယောင်္ကျားတွေရဲ့ ပလီပလာအပြောကို
တော်တော်မနောခွေ့ကိုး
ယောင်္ကျားတွေ တစ်ယောက်ပြီးတစ်ယောက်
ခေါင်း…..ခေါက်…..ခေါက်…ခေါက်ပြီး
ငွေနဲ့ပေါက်ဝယ်ထားခဲ့ပုံများ
ဟော…တစ်ယောက်ဟော…တစ်ယောက်
စိတ်ဆိုးရင်လည်းဆိုးဗျာ
လင်ကုန်ကူးနေသလား အောက်မေ့ရ
အားကိုးလောက်တဲ့ယောက်ျားဆိုလို့လည်း
ယောင်္ကျားဖြစ်နေတာတွေပဲရှိခဲ့တယ်။

မငွေ ….
ခင်ဗျား အိမ်ထောင်ရှိချင်တာလား
ကာမပိုင်လင်ယောင်္ကျား အနားမှာထားချင်တလား
အိမ်ဦးနတ်အဖြစ် ကိုးကွယ်ချင်တာလား
အဆွေခင်ပွန်း အဖြစ် ပေါင်းသင်းချင်တာလား
ခင်ဗျားကိုယ်ခင်ဗျား မေးကြည့်ဖူးပါသလား။
ယောင်္ကျားတွေဆိုတာက
အဆာပြေစားရတဲ့ မုန့်တစ်မျိုးမှ မဟုတ်တာ၊
ယောင်္ကျားဆိုတဲ့ မြေလွှာတွေကို
ခင်ဗျားဘယ်လောက်ထိ
နက်နက်တူးသွားနိုင်ခဲ့ပါသလဲ
ခင်ဗျား ဘယ်လောက်ထိ နားလည်သွားခဲ့ပါသလဲ
သေချာတာကတော့……
ခင်ဗျား ကျွန်တော့်ကို ခံစားလို့ရမသွားဘူးမို့လား။
လှည့်ရှာဖောက်ပြားစရာချည်း။

ကျွန်တော်လည်း
ယောင်္ကျားစစ်စစ်ကြီးပါဗျာ
ပက်ပက်စက်စက်
မြက်မြက်ကလေး ချစ်တတ်တာပေါ့။
ဘာဆန်းလဲဗျာ
ယောင်္ကျားတစ်ယောက်အတွက်ကတော့
ချစ်ရမ္မက်ဆိုတာ
တံတွေးပစ်ကနဲ ထွေးရသလောက်ပဲမဟုတ်လား
အားတော့နာပါရဲ့
အဝေးကြည့်ဘ၀နဲ့လည်း
တမြမြ တသသ တန်ဖိုးထားလို့ရတာပေါ့။
ယောင်္ကျားဆိုမှတော့
ဖောက်ပြားမယ် ဆိုလည်း
ထောက်ထားမယ် ဆိုလည်း
ငဲ့ညှာထောက်ထားစရာချည်း
လိင်ထီးဆိုတဲ့ နာမကို
တည့်တည့်ကြီး ခ၀ါချရင်
ဘာမှမကျန်ပါဘူး
ရိုးရိုးကလေးနဲ့ ဆန်းနေတာကို
ခင်ဗျားမို့ ရှူးနှမ်းခဲ့ပုံများ
ပြောရတာတောင် အားနာစရာ
ခုတော့လည်းဒါတွေပြီးခဲ့ပြီပေါ့။

မငွေ……
မိုးတွေ တသုန်သုန်စွေနေပေါ့
လေပြည် လေပြင်းတွေ စင်ပေါ်တက်နေပေါ့
လျှပ်စီးတွေ ကဲကဲ လောင်လောင်မှာ
ငါ့မောင်….ငါ့မောင်…ဆိုတဲ့
ရမ္မက်အရောင်တွေနဲ့ အသံထူထူဟာ
ခုတော့လည်း လူသူနဲ့ဝေး
အားပေးဖော်ဆိုတာ သောကတင်းကျမ်းတွေလား
ခင်ဗျားသေသွားပြီလို့ သတင်းကြားရတဲ့ညက
ကျွန်တော် အရက်၀၀သောက်နိုင်ခဲ့တယ်။
ခင်ဗျားထိုးထိုးပေးခဲ့တဲ့ ပါးနှစ်ဖက်ဟာ
ခုတော့လည်း အကောင်းစား အမြည်းတစ်ခွက်ပေါ့
ဆားတော့ နည်းနည်းငန်တယ်။

ပြစ်မှုကြွေး ချွေးနဲ့ဆပ်ရင်း
ပြတ်တောက်သွားခဲ့ရတဲ့ ကြိုးတစ်ချောင်းဟာ
သုံးလွန်းတင်ခဲ့ရတာပဲ အဖတ်တင်ခဲ့တယ်။

လွမ်းဆွတ်ပါပေရဲ့
တစ်ခါတစ်ခါတော့
ခင်ဗျားအကြောင်း အချိန်ပေးပြီး
တွေးငေးမိတတ်ပါတယ်။

ဆူဖြိုးနေတဲ့ ခင်ဗျားရဲ့ အတွေ့အထိမှာ
အူရိုးလှတဲ့ ကျွန်တော့ အတွက်တော့
အငွေ့သွေ့သွေ့လေးပဲ မွေ့ပျော်နိုင်ခဲ့တာ
ခုတော့လည်း အားနာတယ်ဆိုတာ ထက်အားနာ
စကားရှာမရတော့ပါဘူး။

မငွေ……
တပ်မက်မှု တဏှာဆိုတာ
ဒုက္ခအားလုံးရဲ့ အရင်းအမြစ်တဲ့
လူသားအရင်းအမြစ်ကြီးထဲ
အပါအ၀င် ဖြစ်နေရတဲ့
ခင်ဗျားနဲ့ ကျွန်တော့မှာလည်း
ဒုက္ခဆိုတာကြီးနဲ့ တရင်းတနှီးပေါ့။
ဒါပေမဲ့….
ခင်ဗျားက လွန်လွန်းတယ်
ဒုက္ခကို ငွေပေးဝယ်တဲ့အထဲမှာ
ခင်ဗျားက ထည်လဲထည်ဝတ်ပေါ့။

မငွေ…….
ခင်ဗျားက ယောင်္ကျားဆိုတဲ့ သေတ္တာကြီးထဲမှာ
အမြဲခိုအောင်းလို့
အသေခတ်ထားတဲ့သော့နဲ့
တည့်တည့်ကြီးမှောင်မည်း။
ဆာလောင်ခြင်းသာ
အကောင်းဆုံး ဟင်းလျာတဲ့
ယောင်္ကျားဆို ဟင်းလျာမှမဟုတ်ပဲ
ဒါပေမဲ့ ခင်ဗျားအမြဲဆာလောင်ခဲ့တယ်။
လူဆိုတာ အံ့သြမှုကို နှစ်သက်ကြ
အဲဒီ အံ့သြမှုကပဲ သိပ္ပံဖြစ်ထွန်းမှုရဲ့ မျိုးစေ့တဲ့
မငွေရေ……
ခင်ဗျား အံ့သြခဲ့တာက ယောင်္ကျားတွေပေါ့
အံ့သြပြီးရင်းအံ့သြ
ခင်ဗျားမို့ မမောနိုင်ခဲ့တယ်။

မှတ်မိသေးတယ်
တစ်ညသားမှာ
ခင်ဗျားက ကျွန်တော့ကို အရွဲ့တိုက်ပြီး
ခင်ဗျား ကြိုက်တတ်တဲ့
ယောက်ျားတစ်ယောက်ကို ခေါ်လာ
ကျွန်တော် ပျော်ဖို့ဆိုပြီး
ခင်ဗျားရဲ့ လက်သပ် မွေးလေးနဲ့ လွှတ်ပေး
အေးဗျာ….
သွေးသားအတွက် သက်သက်ဆိုရင်တော့
နံပါတ်ဖိုးရောင်းတယ်ဆိုတဲ့
ခင်ဗျားအိမ်ပေါ် တက်နေပါ့မလား
ဆရာမာန်မြင့်ရဲ့ ခြင်တောင်ထဲမှာ
ကျွန်တော်“ခြင်မ”တောင် မသန်းပါဘူး
ခင်ဗျားကတော့ ခြင်ဖိုချောချောကြီးနဲ့
အရင်လိုပဲ အံ့သြပြီးရင်းအံ့သြလို့။

အချစ်ဆိုတာ
တံခါးတစ်ချပ် မဟုတ်လေတော့
ပွင့်ချင်မှလည်း ပွင့်မှာပေါ့။
ရမ္မက်ဆိုတာကတော့
မီးခလုတ်ကလေးပါ
မီးလင်းတာ မလင်းတာအပထား
ခလုတ်ကလေးကို ကစားနေလို့ရတာပေါ့
ခင်ဗျားက အားကြီးလက်ဆော့တယ်။

ဒါပေမဲ့…..
ခင်ဗျားဆီက စကားတစ်ခွန်းကိုတော့
ကြိုက်လွန်းလှခဲ့
ကဗျာတွေ စာတွေဆိုတာထက်
မေတ္တာဓါတ်ကသာ
လူတွေကို ကြည်နူးစေတာပါတဲ့။
အဲ့ဒီညက ကျွန်တော်က စာထိုင်ရေးလို့
ကျွန်တော့်ဘေးမှာ ခင်ဗျားက
အားရပါးရကြီးလဲလျောင်းလို့ ဖိုသီဖတ်သီ
ကလောင် အချက်ချက် တို့နေခဲ့ပေမယ့်
ခင်ဗျားရဲ့ ဆူဖြိုးလှတဲ့ခန္ဓာကိုယ်ကြီးကိုတော့
ယောင်လို့တောင်
တစ်ချက်မှ မတို့ခဲ့ဘူးမို့လား။

ခုတော့…..
ခင်ဗျား အကြောင်းတွေ ကဗျာ အဖြစ်ရေး
အနုပညာ ခံစားသူတွေကို
ပေးနေဖြစ်ပြီပေါ့။
တကယ်တော့….
ခင်ဗျားက
ကဗျာတစ်ပုဒ်မှ မရေးတတ် မဖတ်တတ်ခဲ့ပေမယ့်
ခင်ဗျားကိုယ်၌က
ကဗျာ တစ်ပုဒ်ဖြစ်နေခဲ့တယ်။
ကျွန်တော် ကိုယ်၌ကတော့
ကဗျာ တစ်ပိုဒ်တောင် မဖြစ်ခဲ့ပါဘူး။

ခုတော့…..
ခင်ဗျားနဲ့ ကျွန်တော်ပေါင်းမှ
ရှားရှားပါးပါး တစ်ပုဒ်ဖြစ်ခဲ့ရတဲ့
ကဗျာရှည်ကြီး အဆုံးသတ်တော့
ခင်ဗျားက မြေကြီးထဲမှာ ပျောက်ကွယ်သွားခဲ့ပြီ
ဒါပေမဲ့…
မြေကြီးပေါ်က လွတ်မြောက်သွားတဲ့ မငွေလို့ပဲ
ကျွန်တော် ဂုဏ်တင်ပေးလိုက်ပါပေရဲ့။

ကြီးကြီးကျယ်ကျယ် ပြောရရင်တော့
လူမှုကလာပ်စည်း ဆိုတာကြီးကို
ကျွန်တော်က စိတ်ဝင်စားတယ်။
ခင်ဗျားက…
ဖို-မ ဆိုတဲ့ အာသာဆန္ဒမှာ
ဆောင့်ကြောင့်ထိုင်လို့။

မငွေရေ….
အချို့က မြင်ယုံနဲ့ ယုံကြ
အချို့က ကြားယုံနဲ့ ယုံကြ
ကျွန်တော်ကတော့ တွေ့ထိခွင့်ရမှ ယုံချင်ပါတယ်။
ခင်ဗျားကို မယုံခဲ့တာတွေ
တွေ့ထိခွင့် ရခဲ့လို့ပေါ့။
ခင်ဗျားနဲ့ အနေကြာတော့
ဘာပဲဖြစ်ဖြစ်
ချစ်တာ မချစ်တာ အပထား
ကျွန်တော့ရဲ့ ဇနီးမယားအဖြစ်
သီးခြားဘ၀လေး ထူထောင်ပေးဖို့
စိတ်ကူးတွေ ဖောင်ဖွဲ့ဖူးပါရဲ့
ဒါပေမဲ့ဗျာ…..
ခင်ဗျားက စိတ်အလိုလိုက်လွန်းလှ
အဲ့ဒီစိတ်နောက်…..
ခင်ဗျားက စိတ်အလိုလိုက်လွန်းလှ
အဲ့ဒီ စိတ်နောက်
ခင်ဗျား ခန္ဓာကိုယ်ကြီး ပါပါသွားတော့
ကျွန်တော်က နာရမှာလား
အသာကြည့်နေရမှာလား
သွေးသားကိစ္စဆိုတဲ့ အမှောင်နက်နက်မှာ
ကျွန်တော်ကြောင်စီစီကြီးဖြစ်ခဲ့ရ။

ည…ည….
ခင်ဗျားက ယောင်္ကျားတွေအကြောင်းပြောတယ်
ပထမ၊ဒုတိယ၊တတိယ၊
တရားမ၀င်တဲ့ ခဏဧည့်သည်တွေအကြောင်း
ကျွန်တော်က ချောင်းဆိုးတိုင်း အိပ်မပျော်
ဖိတ်ခေါ်မှုတွေသာ လက်ပန်းကျ
ခင်ဗျား သက်ပြင်းချသံတွေရဲ့ ပဲ့တင်မှာ
ကျွန်တော်စိတ်ကုန်လာခဲ့ပေါ့။

ဒါပေမဲ့……
မိုးလင်းလို့ မနက်ရောက်တော့လည်း
ငါ့မောင်….ဘာသောက်မလဲ
ငါ့မောင်…ဘာစားမလဲ
ငါ့မောင်…ဘာဝယ်စရာရှိလဲနဲ့
ပျာပျာသလဲ အမူအရာမှာ
အစ်မတစ်ယောက်လို ခင်တွယ်သနား
ခင်ဗျားနားက မခွာဖြစ်ခဲ့ပြန်ဘူး။

ပတ်ဝန်းကျင် အမြင်မှာတော့
ခင်ဗျားနဲ့ ကျွန်တော်က
လင်မယား ပီပီသသကြီးပေါ့
တကယ့်တကယ် အိပ်ရာပေါ်မှာတော့
ခန္ဓာကိုယ်ချင်း မနီးခဲ့ကြတဲ့
မီးသေနေခဲ့ ဖို-မ ဓါတ်တွေ။

မငွေရေ…..
ခုလို မိုးမှာ ခင်ဗျားကို သတိရပေါ့
ငါ့မောင်….ထီးဆောင်းသွား
ငါ့မောင်…ကော်ဖီပူပူလေးသောက်လိုက်
ငါ့မောင်…နှစ်ပက်လောက် ချချင်ချလိုက်လေနဲ့
မိုးစွေစွေ အခန်းကျဉ်းကျဉ်းမှာ
သွေးသားချင်း မနီးစပ်ခဲ့တာကလွဲလို့
ကျွန်တော့်စိတ်တွေ လွန်ဆွဲခဲ့ရပုံ။

ဘာပဲဖြစ်ဖြစ်…..
ခင်ဗျားကို ချစ်ပစ်လိုက်ရတော့မလား
စဉ်းစားလွင့်မျော မောစမှာပဲ
ခင်ဗျားက ဇာတိပြလာတယ်
တစ်ညသား မိုးမည်းမည်းမှာ
ခင်ဗျားကြိုက်တတ်တဲ့ ယောင်္ကျားတစ်ယောက်ကို
အတည်ပေါက်နဲ့ အိမ်ခေါ်လာတယ်။

ကျွန်တော်သိတာပေါ့ မငွေ
အဲ့ဒီလူဟာ ဘာလဲ

မကြာပါဘူး
၁၉၉၄…
ခွေးပြေးဝက်ပြေး
မူးယစ်ဆေး ရောင်းစားနေတဲ့ခင်ဗျား
သံတိုင်တွေကြားရောက်သွားတော့
ခင်ဗျားအနားမှာ ဘယ်သူမှ မရှိခဲ့ဘူးမို့လား။
မြင်ယုံနဲ့ပဲ သိခဲ့ပါတယ်
သူ့ရဲ့ အလုပ်အကိုင်က ယောကျာင်္းပိုင်းလုံးတဲ့။
အပြုံးချိုတယ်….
စကားချိုတယ်…
ပြောရရင်…
ခန္ဓာကိုယ်ကလည်း ယောင်္ကျားပီသတယ်ပေါ့
မိန်းမတွေရဲ့ အကြောကို နေကျေနေသူပေါ့။
မိန်းမ(ခင်ဗျားလို)တွေကို
လိုချင်တာပေးပြီး
ရချင်တာဆို အဆစ်အပိုပါယူယူသွားတတ်သူပေါ့။
ကျွန်တော်က တားပါသေးတယ်
ခင်ဗျားက အပြင်မှာတွေ့နေတာကြပြီတဲ့။
ကျွန်တော်ကတားပါသေးတယ်
မင်းက ငါ့မောင်လေးပဲတဲ့။
ကျွန်တော်က တားပါသေးတယ်
ဒီလို ကိစ္စမျိုးက မင်းနဲ့မှ မဆိုင်တာတဲ့။

ဒီလိုနဲ့…..
အဲ့ဒီညက
အစ်မအိမ်က စိတ်ဆိုးပြီးဆင်းသွားတဲ့
မောင်လေးက ကျွန်တော်ပေါ့။

အဲ့ဒီက အစ….
ခင်ဗျားအိမ်ဘက် ခြေဦးမလှည့်တော့တာ
ကျွန်တော်ကလည်း
လူကောင်းတစ်ယောက် ဖြစ်ခဲ့ပြီလေ။
ခင်ဗျားမောင်ဆိုတဲ့ ကျွန်တော်တော်
ယောင်လို့မှ တစ်ခေါက်လာမတွေ့
ခင်ဗျားဘ၀ရဲ့ အချိုးအကွေ့အသစ်
“ထုံးဘို” မှာလူသွားဖြစ်တော့
ဘ၀ခြားခေတ်ခြား
အချစ်နဲ့ ရမ္မက် ဆိုတာတွေလည်း
အားလျားမှောက်ခဲ့ရပြီပေါ့။

တစ်ခါ….
မကြာပြန်ပါဘူး
ပြစ်မှုကြွေးမှာ ချွေးတွေနဲ့ ဆုံးပြီတဲ့
ကျွန်တော် အပြုံးမပျက်ခဲ့ပါဘူး
ခင်ဗျားတို့လို ဘ၀တွေက
ဒီလိုပဲ လုံးပါးပါးရမှာကိုး
ကိုယ်ပြုသမျှ ကိုယ်ပြန်ခံရတာပဲလေ။
ခင်ဗျားတို့ကြောင့် ဘ၀ပျက်ပျက်သွားရတဲ့
လူငယ်လေးတွေရဲ့ မျက်နှာကိုသာ
ကျွန်တော်စာနာမြင်ယောင်နေပေါ့။

သွားတော့….မငွေ
ကောင်းရာ သုဂတိ လားပေါစေလို့လည်း
ကျွန်တော် ဆုတောင်းမပေးလိုက်တော့ပါဘူး။
ကျွန်တော်ပြုသမျှ ကုသိုလ်တွေကိုလည်း
ခင်ဗျားကို မပေးလိုက်တော့ပါဘူး၊
ကျေးဇူးက ကျေးဇူး….
ပြစ်မှုက ပြစ်မှု…..
ခင်ဗျားလို အကုသိုလ် တင်းကျမ်းတွေနဲ့
ခင်ဗျားလမ်း ခင်ဗျား ရွေးသွားတာမို့လား။

သွားတော့….မငွေ
မငွေ….သွားတော့
ပေါ့ပေါ့ပါးပါးပဲ နှုတ်ဆက်လိုက်ပါတယ်။

(၁၉၉၁- အကြွေးမကျေခဲ့သော နေ့ရက်များသို့…….)


မြဆင့်ချယ်
ကြီးပွားရေးလမ်းညွှန်ဂျာနယ်၊အောက်တိုဘာလ၊၂၀၀၀ ခုနှစ်

ဆရာ မြဆင့်ချယ် အမှတ်တရ ကို www.kalaytownship.co.cc မှ ကူးယူဖော်ပြပါတယ်။ စိတ်ဝင်စားမယ့် ဘော်ဒါတွေအတွက်ပါ။ (လမင်းအို)

ရင် တနင့်နင့်

နေ့ရောညပါ......

စိတ်မလာတဲ့အလုပ်တွေမိုးခြိမ်းသလိုခြိမ်းလို့

ဝါသနာနဲ့အနေစိမ်းသွားတဲ့သူငယ်ချင်းတွေအတွက်

ကျွန်တော်ဖယ်ပေးလိုက်ရတဲ့နေရာများစွာရှိရဲ့

ချစ်သူလည်း...

ဒီနည်းနဲ့သူများနောက်ပါသွားခဲ့တာပဲ..။

စိတ်မသက်သာစရာတွေကိုသီးသန့်

ဖိုင်တွဲထားရတာဘ၀လား

နှလုံးရောဂါဖဲပြားလေးနဲ့ချည်နှောင်ထားပြီးပေါ့

လုပ်ချင်တာနဲ့

လုပ်ခဲ့ရတာတွေ
အကွာအဝေးဘယ်လောက်ရှိမလဲ

ကျွန်တော်မစဉ်းစားချင်ဘူး

ပေးနိုင်သလောက် ပေးပြီးသွားတဲ့အခါ

ဝေးနိုင်သလောက် ဝေးအောင်ပြေးထွက်ဖို့

သံယောဇဉ်ကြိုးဝိုင်းထဲကလေ

သတ်ကွင်းတွေကိုကျွန်တော်ဖြတ်နေတယ်...။ ။



အောင်မှူးဝေ

၁၃.၆.၂၀၁၀

ဒဂုံတောင်

မနက်မိုးမလင်းသေးဘူး.......
အလုပ်ဇယားကမျက်နှာသစ်နေပြီ
တစ်လုံးချိုင့်တွေထဲ
ရောင်စုံအာဟာရများခုန်ချ.....။

ကားတိုးစီးတော့လည်း
အိမ်ကရနံ့ပျောက်သွားပြန်တာပဲ
သူများရေမွှေးနံ့ ကိုယ့်ရေမွှေးနံ့ဖြစ်လိုဖြစ်
သူများဆွဲခြင်းကိုယ့်ဆွဲခြင်းဖြစ်လိုဖြစ်
သူများရင်သွေး ကိုယ့်ရင်သွေးဖြစ်လိုဖြစ်
ခရီးတာတိုပေမယ့်
နာရီနဲ့အမျှနက်နဲတယ်
ဘ၀တစ်ခုက ဘ၀တစ်ခုကို
နွယ်လိုပတ် ကြိုးလိုချည်
အခက်ခဲတစ်ခု ကအခက်ခဲတစ်ခုကို
မြွေဆိုးလိုကိုက်ခဲ
ရုပ်သေးပွဲထဲရောက်နေတဲ့ ဒဂုံတောင်ဟာ
စပယ်ယာစကားလုံးတွေထဲရေတိမ်နစ်ရတာ
ပျော်တယ်........။

ညနေ..ညနေဆို
အစင်းရာ အခြစ်ရာဗရပွနဲ့
ဒိန်ခဲတစ်ခုကနေဒိန်ခဲတစ်ခုဆီကူးလိုက်ဖို့
ရီမုကွန်ထရိုးလ်ကိုအငိုက်ဖမ်းနေတဲ့
ခပ်ကြမ်းကြမ်း ဗွီစီဒီမလေးတွေ
ဓာတ်တိုင်အောက်မှာ
ကြွေတလွင့်လွင့် မွှေးပျံ့နေတဲ့နေရာ....။
စာအုပ်ရောင်းရင်း
အနုပညာဗီဇတွေယားနေတဲ့
စာပေမွေ့သူဆရာဝန်ကြီး
ရသစာတွေစိုက်ပျိုးနေတဲ့နေရာ..။
မလိုချင်သူကလွှင့်ပစ်လိုက်တာကို
ကောက်ရသူကအမြတ်တနိုး
မှန်ကောင်တာထဲထိုးလို့
ရှိုးစမိုးထုတ်ပြနေတာလည်းသူပဲ..။
စက်မှုဇုန်ထဲ ၀ါးလုံးထိုးဝင်သွားတဲ့လူအုပ်
ရေခဲထုပ်တွေ ရင်ထဲထည့်မသွားတာကို
ဆက်လက်ဖော်ပြပါမည်ပြောတာလည်းသူပဲ။
တစ်ခြမ်းပဲ့အိပ်ရာလေးပေါ်မှာ
အမေအိမ်ပြန်မအိပ်လို့
တိတ်တိတ်ကလေးကြိတ်ငိုနေတဲ့
ဝဲထူကောင်လေး ကောင်မလေးများရဲ့
အိပ်မက်ဆွေးဆွေးတွေ
အခြေနေအရအပြောင်းလဲရှိနိုင်ပါသည်
ပြောတာလည်း သူပဲ။
စက်မှုဇုန်ထဲက ၀ါးလုံးသိမ်းပြန်ထွက်လာတဲ့လူအုပ်
အတင်းတုပ်လာကြတာကို
မလှုပ်တမ်းနားထောင်တတ်တာလည်းသူပဲ။
ပျားရည်ထဲသကြားတွေရောနေသလို
အကောင်းထဲမှာအဆိုးတွေရောရောပြီး
အတောမသတ်ချစ်မက်ဖွယ်ရာစာရင်းကို
ရင်ဝယ်ပိုက်ထားတာလည်းသူပဲ။
ဒဂုံတောင်...........ဒဂုံတောင်
သြော်......ဗုံယောင်ဆောင်ထားတဲ့ မြို့သစ်
အရက်ဆိုင်အစ..အင်တာနက်ဆိုင်အဆုံး
သိုးတွေလို မိုးအေးရင်
နွေးထွေးရာဆီစုစုလာတတ်တဲ့
လူ့ဂီတစစ်စစ်တွေ သံစုံကျူးရာအရပ်
ထပ်မံဖြည့်စွက်စရာတွေရှိနေဆဲ
သက်ရှိအဘိဓာန်တစ်အုပ်ပီသတယ်.....။ ။


အောင်မှူးဝေ


၁၄.၆.၂၀၁၀

ရွှေလက်များ သတင်း

အလုပ်ရုံဆွေးနွေးပွဲ

ကလေးဒေသရောက် ရှိုင်းဟုတ် ကုမဏီလီမိတက်၏ ကူညီပံ့ပိုးမှုဖြင့် ကလေးသူငယ်ဆိုင်ရာ အလုပ်ရုံ ဆွေးနွေးပွဲငယ်များကို ကလေးဒေသ၊ ကလေးမြောက်ပိုင်း ကျေးရွာအုပ်စုများဆီသို့ အပတ်စဉ် ဆွေးနွေးပွဲတော် ပွဲဦးထွက်အဖြစ် ၂ဝ၁ဝ ဖေဖော်ဝါရီလ၁ရက်တွင် စာရေးဆရာများဖြစ်ကြသော ဆရာကိုဇော်(ကလေးမြို့)၊ ဇွဲဆုပန်(ဆားလင်းကြီး)နှင့် သူရ(ကလေး)တို့မှ ကျောင်းနေပျော်ရေး၊ ကလေးသူငယ်နှင့်ကြောက်စိတ် ခေါင်းစဉ်များဖြင့် ဟောပြော ဆွေးနွေးဖြစ်ခဲ့ကြကြောင်း သိရသည်။ ဆရာ၊ ဆရာမများ၊ ကျောင်းသားမိဘများ စုံညီစွာတက်ရောက်ပြီး ရှိုင်းဟုတ်ကုမ္ပဏီမှ ကျေးရွာများ ကျောင်းဆောင်ဖြစ်မြောက်ရေး လမ်းပန်းဆက်သွယ်မှုနှင့် ကျောင်းသုံးပစ္စည်းများလည်း အဆက်မပြတ် ကူညီပံ့ပိုးလျက် ဘာသာရေးဆိုင်ရာ လှူဒါန်းမှုနှင့် ပွဲတော်များကိုပါ ကျင်းပလှူဒါန်းနိုင်ရေး ဆောင်ရွက်ပေးနေကြောင်း သိရသည်။


သန်းညို့
(ဈေးကွက်ဂျာနယ်မှ ကူးယူဖော်ပြပါသည်)

ရွှေလက်များ၏ ကဗျာပုံရိပ်များ

အချစ်က တစ်ဘာသာဖြစ်တယ်


ရင်ခုန်သံချင်း အရောင်းအ၀ယ်လုပ်ပုံက

သိုသိပ်တယ်

တချို့တလေက ယမ်းပုံမီးကျ

သူ့ရှေ့သစ်ရွက်လှုပ်ပြရင်ကို

ရိပ်မိနေသလိုမျိုး

သူ့ခံစားချက်သူထမ်း

တခမ်းတနားဖြစ်ဖြစ်

မနိုးမကြားဖြစ်ဖြစ်ရွေ့တယ်

တကယ်တော့

အချစ်ဆိုတာ

လက်ပိုက်ပြီးလေချွန်နေရသလောက်

ဇိမ်ရှိမယ်မထင်ဘူး

မှိုမတက်တဲ့ကိတ်မုန့် မြည်းနေရသလို

နာရီတွေမရိတွဲတဲ့တယောကို

လက်သံစမ်းနေရသလောက်

စိတ်အချဉ်ပေါက်ပေါက်နဲ့

လေထဲလက်သီးထိုးနေရသလောက်

ဒါပေမယ့်

ဘာပဲဖြစ်ဖြစ်

ဒေါသတွေ

အဆုပ်လိုက်အခိုင်လိုက် ပစ်ပေါက်လိုက်တဲ့အခါ

သူကချော့လာတတ်ပြန်ရော။


မိုဃ်းဇက်သော်
ပီးပဲလ်မဂဇင်း။ဒီဇင်ဘာ၊2009

ရွှေလက်များ စာမူခ

ကလေးမြို့ကနေ ရန်ကုန်မြို့ကို သွားရောက်လည်ပတ်တဲ့ ကလေးမြို့ ဆိုတဲ့ ကဗျာဆရာ တစ်ယောက်ဟာ ရန်ကုန်ရောက်တုန်းရောက်ခိုက် ကလေးသားကဗျာဆရာစစ်စစ်တွေရဲ့ စာမူခများစွာကို ကိုယ်ကျိုးအတွက် သုံးစွဲခဲ့ကြောင်း သူကိုယ်တိုင်ဂုဏ်ယူပြောဆိုချက်အရ သိရပါတယ်။ အဲဒီ ခံလိုက်ရတဲ့ကဗျာဆရာတွေထဲမှာ ရွှေလက်များက သူရ(ကလေး)နဲ့ သော်တာစံ(ကလေး)တို့ ပါဝင်ပါတယ်။
ကလေးမြို့ ကဗျာဆရာဟာ ကလေးက ကဗျာဆရာကြီးငယ်တို့ရဲ့ စာမူခ နှစ်သောင်းနီးပါးရယ်။ ပိတောက်ပွင့်သစ် မဂဇင်းက ရွှေလက်များကို လှူလိုက်တဲ့ စာအုပ်တွေရယ်၊ မန်းတလေးအိုက်ကွန်မဂဇင်းက ကဗျာဆရာတစ်ယောက်ကိုပေးလိုက်တဲ့ စာအုပ်တွေကို ကိုယ်ကျိုးအတွက်ပဲ အလွဲသုံးစားလုပ်တဲ့အကြောင်း သူကိုယ်တိုင်ပြောစကားအရသိရပါတယ်ခင်ဗျာ။
ကဗျာဆရာများ သက်တော်ရာကျော်ရှည်ပါစေ။

ရွှေလက်များ သစ်ပင်

နေသာ၊ ကလေး-တောင်ညို၊ ရွှေလက်များ၊ နည်းပညာတကသိုလ်ကျောင်းသားများနဲ့ သစ်ပင်ချစ်သူများ ပူုးပေါင်းပြီး ဇွန်လ သစ်ပင်စိုက်ပွဲကို ပြုလုပ်မယ် သိရပါတယ်။ ကလေးမြို့ နည်းပညာတကသိုလ်ရဲ့ ဒီဘက်(ကလေးမြို့ဘက်ပိုင်း)မှာ အရိပ်ရသစ်ပင် နည်းပါးနေသေးတဲ့တွက် အရိပ်ရသစ်ပင် 700 ကျော်ကို စုပေါင်း စိုက်ပျိုးကြမယ့်အကြောင်းသိရပါတယ်။ 31-5-2010 ရက်နေ့မှာ ကျင်းတူးပြီး 5-6-2010 ရက်နေ့မှာ စိုက်ပျိုးကြမှာ ဖြစ်ပါတယ်။ သစ်ပင်ချစ်သူများကို ဖိတ်ခေါ်လိုက်ပါတယ်။

ရွှေလက်များ စာပေ

ရွှေလက်များ လူငယ်စာပေပရဟိတအဖွဲ့ ရန်ပုံငွေအတွက် ရွှေလက်များ စာပေကို ဇွန်လဆန်းပိုင်းတွင် စတင်ဖွင့်လှစ်သွားမည် ဖြစ်ပါသည်။
သုတ ရသ စာအုပ်မျိုးစုံကို ထားရှိမည်ဖြစ်ပြီး စာပေမိတ်ဆွေအပေါင်းကို ဖိတ်ခေါ်လိုက်ပါသည်။
နေရာမှာ
ဘုရားကြီးလမ်း၊ အောင်မင်္ဂလာရပ်ကွက်၊ ကလေးမြို့ ဖြစ်ပါတယ်။

ရွှေလက်များနဲ့ ကမ္ဘာ့ကဗျာနေ့

သူရ(ကလေး)
Tuesday, 04 May 2010 03:59

ကဗျာရွတ်ပွဲ ဆိုတာကို ခေါင်းစဉ်လောက်ပဲ ကြားဖူးရုံ လေးပေါ့။ အခုတော့ ၂၁.၃.၂၀၁၀ နေ့မှာ ကျွန်တော်တို့ ကလေးမြို့က ရွှေလက်များ လူငယ်စာပေ ပရဟိတ အဖွဲ့လေးက ဦးဆောင်လို့ ကမ္ဘာ့ကဗျာနေ့ အထိမ်းအမှတ် ကဗျာရွတ်ပွဲ အခမ်းအနားလေး လုပ်ဖို့ စိတ်ကူး ရလာ ပါတယ်။ ကဗျာရွတ်ပွဲ ကျင်းပပေးဖို့ ကျွန်တော့်ကို အကြံဥာဏ် ပေးလာသူကတော့ လင်းဖွဲ့အိမ် ဆိုတဲ့ ကလေးမြို့ခံ ကဗျာဆရာ တစ်ယောက် ပါပဲ။ ဒါနဲ့ပဲ ရွှေလက်များက လူငယ်တွေ စည်းဝေး တိုင်ပင် ကြပါတော့တယ်။ ကဗျာရွတ်ပွဲ ကျင်းပတာတော့ ဟုတ်ပါပြီ။ ကျွန်တော်တို့ တစ်တွေ ဘယ်နေရာမှာ ကျင်းပကြမလဲ။ ကဗျာရွတ်ပွဲ ကျင်းပဖို့ ခန်းမငှားတဲ့ နေရာတွေ လိုက်စုံစမ်းကြည့်တော့ ခန်းမ ငှားကြေး တွေက သိန်းကျော်တွေလေ။ ရွှေလက်များရဲ့ ရန်ပုံငွေက သောင်းဂဏန်း။ ဒါနဲ့ မဖြစ်သေးဘူး ဆိုပြီးSuper Coffee, KTM သောက်ရေသန့်၊ ကျန်းမာချမ်းသာ သောက်ရေသန့်၊ Bravo Coffee, ပွိုင့်ဆိုင်ကယ် အပိုပစ္စည်း Fuji Soap, Panasonic ဓာတ်ခဲ စတဲ့ လုပ်ငန်းရှင် တွေဆီ စပွန်ဆာလိုက် တောင်းကြည့်ကြရတော့တယ်။ ကျွန်တော်ရယ် မိုဃ်းဇက်သော်၊ လမင်းအို၊ မောင်မှိုင်းရီ(ဘူမိ)၊ ဖိုးမောင်(မြန်မာစာ) တို့နဲ့ပေါ့။ စက်ဘီးတွေ ကိုယ်စီနဲ့ တစ်နေရာဝင် တစ်နေရာထွက်လို့။ နေကပူပူ ချွေးက တရွှဲရွှဲ။ ဒါပေမယ့် ရွှေလက်များ လူငယ်တွေ မျက်နှာပေါ်မှာ မောရိပ်မထင် ပင်ပန်းရိပ်မမြင်၊ ဒီလိုနဲ့ အခမ်းအနား ဖြစ်မြောက်ရေး အကူစပွန်ဆာများ ရလို ရငြား ရှာလိုက်ရတာ ခန်းမ စပွန်ဆာတော့ မရပါ ဘူး။

တက်ရောက်လာမယ့် ဧည့်ပရိသတ်များ အတွက် ကော်ဖီတော့ တိုက်ပေးမယ်ဆိုပြီးSuper Coffee ဆီက အကူအညီ တစ်ခုတော့ ရခဲ့ပါတယ်။ နေရာရှားပါးမှုကို ခေါင်းခြောက်အောင် ရှာရပြန်ပါတော့တယ်။ အဖွဲ့ငွေနည်း လို့ပေါ့လေ။ ဒါပေမယ့် တကယ် လုပ်ချင်တဲ့ လူငယ်တွေအတွက် တကယ်ပေးမယ့် အခွင့်အရေးတွေက ရှိနေခဲ့ပါတယ်။ အဲဒါကတော့ ကျွန်တော့်ရဲ့ ငယ်ဆရာလည်းဖြစ် ငယ်ငယ်က ရှင်သာမဏေလည်း ၀တ်ခဲ့တဲ့ မင်္ဂလာဥယျာဉ် စာသင်တိုက် ဆရာတော်များဆီမှ ကမ္ဘာ့ကဗျာနေ့ အခမ်းအနားအတွက် ခန်းမ အဖြစ် ကျောင်းဓမ္မာရုံကြီးပေါ်မှာ လုပ်ခွင့်ပေးလိုက်ခြင်းပါပဲ။ ဆရာတော်များ ဖြစ်ကြတဲ့ ဦးပဏ္ဍ၀ံသ၊ ဦးနန္ဒ၀ံသ၊ ဦးဝိမလတို့ရဲ့ ကျေးဇူးကြောင့် အသံပိုင်း ဆိုင်ရာတွေလည်း အကူအညီ ရခဲ့ပါတယ်။ နောက်ဆုံး မီးစက်။ မီးစက်ထဲက ဆီကအစပေါ့။ ရွှေလက်များဆိုတဲ့ အဖွဲ့လေးမှာကလည်း အဖွဲ့ဝင်တွေက အသက်အားဖြင့် ၂၀ သာသာလေးတွေဆိုတော့ မယုံတာလည်း ပါပြီး အကူ အညီမရတာလည်း ဖြစ်ကောင်း ဖြစ်မှာပေါ့။ တချို့လုပ်ငန်းရှင်များဆို အလှူခံ လာတဲ့ အဖွဲ့လောက်တောင် မလေးစားကြဘူး။ ၀မ်းနည်းမိပါတယ်။ ဒါပေမယ့် ဘယ်လိုပဲဖြစ်ဖြစ် ရွှေလက်များ လူငယ်တွေ ဖြစ်ချင်တဲ့ ဆန္ဒတွေကို လွတ်လွတ်လပ်လပ် တူးဖော်ခွင့်ရဖို့ ကူညီပေးသူများက ရှိနေသေးလေတော့။

ဒီလိုနဲ့ Super က ဧည့်ခံ ကော်ဖီတိုက် ရွှေလက်များ အဖွဲ့နှင့် မြို့ခံ ကလောင်ရှင်များ ဖြစ်တဲ့ ဆရာမြရွက်၊ ဆရာသန်းရွှေဦး၊ မောင်ကိုမောင် (ကလေး)၊ မောင်ယဉ်အောင် (ကလေးမြေ) တို့က ကဗျာတွေရွတ်၊ စာပေရေးရာတွေ ဟောပြောဖြစ်ခဲ့ကြပါတော့တယ်။ နောက်ပြီး ဧည့်သည် ကဗျာဆရာ အဖြစ် ကလေးမြို့စစ်ဆေးရုံမှာ တာဝန်ကျလာတဲ့ ကဗျာဆရာ မြတ်ဝေ ကလည်း ကဗျာ တစ်ပုဒ်နဲ့ ချီးမြှင့်ပေးခဲ့ ပါတယ်။

ကလေးမြို့လေးမှာ ဆရာမြင့်နိုင်အိန်၊ ဆရာ ချိုတကူး၊ ဆရာမြရွက်၊ မောင်ယဉ်အောင်(ကလေးမြေ)၊ မောင်ကိုမောင်(ကလေး)၊ သော်တာစံ (ကလေး)၊ ဇွဲဆုပန်(ဆားလင်းကြီး)၊ လမင်းအို စတဲ့ ကလောင်ရှင်များစွာ ရှိနေပေမယ့်လည်း စာပေနှင့် ပတ်သက်တဲ့ ပွဲများ ကျဲပါးလှပါသည်။ ကွယ်လွန်သွားပြီဖြစ်တဲ့ ဆရာမြဆင့်ချယ်၊ မောင်ကံချို(ကလေး)တို့ ရှိစဉ်ကတော့ ဆွေးနွေး ပွဲတွေ၊ စာပေ စကားဝိုင်းလေးတွေ လုပ်ဖြစ်ကြ တယ်လို့ သိရပါတယ်။ စာပေဟာ တိုင်းပြည်ရဲ့ အရည်အသွေးနဲ့ ယဉ်ကျေးမှု တိုးတက်စေဖို့ များစွာ အထောက်အကူ ပြုတဲ့ ပစ္စည်းတစ်ခုလို့ ကျွန်တော်တို့ ရွှေလက်များ လူငယ်တွေ ခံယူထားတဲ့ အတိုင်း စာပေနဲ့ ပတ်သက်တဲ့ ပွဲတွေ လုပ်နိုင်သလောက် လုပ်ကြဖို့ ဆုံးဖြတ်ထားခဲ့ကြဖူးပါတယ်။ အခုတော့ အသံလောက်ပဲ ကြားဖူးတဲ့ ကဗျာရွတ်ပွဲ ဆိုတာကြီးကို မျက်ဝါးထင်ထင်ပင် တွေ့မြင်ခံစာွးင့် ရရှိပါတော့တယ်။ ကိုယ်တိုင်လည်း ကဗျာ ရွတ်ဖတ်ခွင့် ရလာပါတော့တယ်။

ဒီ ၂၁.၃.၂၀၁၀ ကမ္ဘာ့ကဗျာနေ့ အထိမ်း အမှတ် အဖြစ် နောက် အစီအစဉ်တစ်ခု အနေနဲ့ ရွှေလက်များ လူငယ်စာပေ ပရဟိတ အဖွဲ့ဟာဆို ရင် ဖိတ်ခေါ် ကဗျာပြိုင်ပွဲကိုလည်း ခေါ်ပြီး ကဗျာဆုများကိုလည်း အဲဒီ အခမ်းအနားမှာပဲ ရွေးချယ်နိုင်ခဲ့ပါတယ်။ အခုဆိုရင် ကလေးမြို့လေးက ရွှေလက်များ လူငယ်စာပေ ပရဟိတအဖွဲ့လေးဟာ လူငယ်နဲ့ပဲ ဖွဲ့စည်းထားတယ် ဆိုပေမယ့် လူကြီးတွေ ဖြစ်မှန်းမသိ ဖြစ်လာခဲ့ကြပြီဆိုတဲ့ အကြောင်းကို ဆရာမြရွက်၊ ဆရာသန်းရွှေဦးတို့ရဲ့ မိန့်ခြွေ အမှာစကားများမှာ လူငယ်တွေ အပေါ် အားရကျေနပ်စရာ ထည့်သွင်း အမှတ်ပေးခံခွင့်ရခဲ့ပါတယ်။ ကျေးဇူးတင်ပါတယ်။

စာပေအစ ကဗျာမှသည်
တို့ပြည်တို့ရွာ ကမ္ဘာဖောက်ထွက်
တို့တွက်ပြည်ရွာ သာယာစေဖို့
တို့ကဗျာတွေနဲ့ ငြိမ်းချမ်းစေ
တို့စာတွေနဲ့ အေးမြစေ
စာကိုယ်ရေး ကလေး တည်ဆိုတဲ့ စာဆိုအရ သက္ကရာဇ် ၃၂၈ ကတည်း က တည်ခဲ့တဲ့ ကလေးမြို့လေးဟာ အခုဆိုရင်နှစ်ပေါင်း ၁၀၀၀ ကျော်ခဲ့ ပါပြီ။ အခုလို နှစ်ပေါင်း တစ်ထောင်ကျော် အတွင်းမှာ ပထမဆုံးပြုလုပ် ကျင်းပဖြစ်တဲ့ ကမ္ဘာ့ ကဗျာနေ့အတွက် ရွှေလက်များ လူငယ် စာပေပရဟိတ အဖွဲ့၊ မင်္ဂလာဥယျာဉ် စာသင်တိုက် ဆရာတော်များဖြစ်ကြတဲ့ ဦးနန္ဒ၀ံသ၊ ဦးဝိမလ၊ Super Coffee နှင့် မြို့ခံ ကလောင်ရှင်များ။ ဘာပဲဖြစ်ဖြစ်၊ ရွှေလက်များက စလှုပ်ရှား ကမ္ဘာတစ်လွှား ငြိမ်းချမ်း ကြဖို့...။ အခုလိုပဲ စာပေ လှုပ်ရှားမှုတွေနဲ့ ကလေးမြို့လေး ဝေဆာစေဖို့ ရွှေလက်များရင်မှာ...။

ကမ္ဘာ့ ကဗျာနေ့ ကဗျာရွတ်ပွဲ အခမ်းအနား အောင်မြင် သွားခဲ့ပါပြီ။ လူငယ်တွေလည်း ပျော်ရွှင်ခဲ့ရပါပြီ။ ရွှေလက်များဟာ နောက်ဆုံး နေရာတိုင်း စာပေကဏ္ဍ လွှမ်းမိုးရေး၊ စာပေ အခမ်းအနားတွေ မှိုလိုပေါက်ရေး အတွက် တတ်နိုင်သမျှ ဆက်ပြီး ကြိုးစား နေပါဦးမယ်ဆိုတာ။




သူရ၊ကလေး၊
(ရွှေအမြုတေ မှ)

ရွှေလက်များဆိုသော မြစ်ကလေး၏ အဖျား

သူရ(ကလေး)


ရွှေလက်များ ဆိုသော အဖွဲ့လေးနှင့် ပတ်သက်၍ မကြာသေးသော ကာလ အတွင်းပိုင်းက ဖြတ်သန်းခဲ့သော အချိန်များကို ပြန်စဉ်းစား မိသည်။ ကျွန်တော်ရယ်၊ ကဗျာ ဆရာ လမင်းအိုရယ်၊ မိုဃ်းဇက်သော်၊ တတိယနှစ် ကျောင်းသား လေးများ ဖြစ်ကြသော မောင်မှိုင်းရီ(ဘူမိ)၊ ကြယ်စင်အောင်(ဘူမိ)နှင့် ရာဇာ(သင်္ချာ)၊ မေ၀တီ(သင်္ချာ)၊ မေရမိုက်(ဓာတု)၊ အလင်္ကာ (သင်္ချာ) တို့ ကလေး တက္ကသိုလ်ဝင်း အတွင်းက Canteen ရှိ ပွင့်သစ် လက်ဖက်ရည်ဆိုင် ကလေးမှာ စတင် ဆုံဖြစ် ခဲ့ကြသည်။ ၂၀၀၈ ခုနှစ် နှစ်ကုန် ပိုင်းလောက်က ဖြစ်သည်။

သူငယ်ချင်းများ တွေ့ဆုံဖြစ်ကြခြင်း၏ အဓိက ရည်ရွယ်ချက်မှာ တက္ကသိုလ် စာပေနှင့် ယဉ်ကျေးမှု အဖွဲ့၏ လက်အောက်ခံ ကျောင်းနံရံကပ် စာစောင်အဖွဲ့ ကလေး ဖွဲ့ကြဖို့ ဖြစ်သည်။ စာမူများနှင့် တွဲဖက်၍ ကိုယ်ရေး အကျဉ်းများ အဖွဲ့ ဖွဲ့ ခွင့်တောင်းခံခြင်း အစီရင် ခံစာများ အကြိမ်ကြိမ် ပြုလုပ်၍ ကြိုးစားခဲ့ကြသည်။ သို့သော် တက္ကသိုလ် ကျောင်းသား/သူက လေးများ ဖြစ်ချင်သော နံရံကပ် စာစောင် အဖွဲ့လေး ဖြစ်လာအောင် ကျွန်တော် မစွမ်းဆောင် ပေးနိုင်ခဲ့ပါ။ သည်လိုနှင့်ပဲ ၂၀၀၈ ကုန်၍ ၂၀၀၉ ကူးခါစလေးမှာ တက္ကသိုလ် ကျောင်းကြီးလည်း ပိတ်သွားရော သူတို့ တစ်တွေ၏ မျှော်လင့်ချက် ကလေးများ ပျောက်ဆုံးကုန်ကြတော့သည်။ တာဝန်သိသူမှာ တာဝန်ရှိသည်ဆိုသည့် စကား ရှိပါသည်။

ကျွန်တော့်မှာ တာဝန်ရှိတာ၊ မရှိတာကိုတော့ ကျွန်တော် ထည့်မစဉ်းစား ဖြစ်ခဲ့။ သို့သော် ငယ်ငယ်ရွယ်ရွယ်နှင့် စာပေ အနုပညာကို တန်ဖိုး ထားကြသည့် တက္ကသိုလ် ကျောင်းသား/သူလေးများ ဖြစ်ကြသည့် ကျွန်တော့် သူငယ်ချင်းများ အတွက်တော့ နံရံကပ် စာစောင် အဖွဲ့လေး မဖြစ်သော်မှ တစ်ခုခုတော့ ဖြစ်စေချင်ခဲ့သည်။ နံရံကပ် စာစောင်အဖွဲ့လေး ဖြစ်ဖို့ ကြိုးစားစဉ်ကတည်းက အုပ်စုလေး ဖွဲ့မိနေသော စာပေ မြတ်နိုးသူများကို အဖွဲ့ကွဲ မသွားစေချင်သည့် ဆန္ဒလေးတွေက နေ့ရောညပါ ကျွန်တော့်ကို တဖွဲဖွဲ စိုးမိုးလာခဲ့သည်။ အတူ တကွ လုပ်ဆောင် ရတာတွေကို သတိရမိနေသည်။ ပျော်ရွှင်နေမိသည်။ သည်လိုနှင့် ၂၀၀၉ ပထမ လကလေး ကုန်စပြုလာသည်။

အဲသည်မှာ အတွေး တစ်ချက် ပေါ်လာခဲ့သည်။ ထိုအတွေး ကား ဖေဖော်ဝါရီ ၁၄ Valentine's Day ပေ ကျွန်တော်တို့ သူငယ်ချင်းတစ်စု အချစ်ကဗျာစာ အုပ်လေးတစ်အုပ် တစုတဝေး ထုတ်ဖို့ပင် ဖြစ်သည်။ ထိုရည်ရွယ်ချက်လေးသည်ကား အောင်မြင်ခဲ့ပါသည်။ စာပေကို ချစ်မြတ်နိုး ၀ါသနာပါသော ကျွန်တော်တို့ လူငယ်လေးတစ်စု အတွက်ကား ခက်ခဲသည့် အရာ မဟုတ်ပါလား။

ကျွန်တော်တို့ သူငယ်ချင်းတစ်စု ထုတ်ဝေသော ကဗျာ စာအုပ်လေးသည် အေဒီ ၂၆၉ သို့ အလွမ်း ဆိုသော ခေါင်းစဉ်လေးဖြင့် ဖေဖော်ဝါရီ လ၏ အစပိုင်းလေးတွင် ထွက်ရှိလာသည်။ ထိုစာအုပ်ကလေး ပြုလုပ်နေစဉ် အချိန်မှာပင် နောက်ထပ် စာပေ ၀ါသနာရှင် လူငယ်လေးများ ကျွန်တော်တို့ အုပ်စုလေးတွင် ထပ်၍ တိုးပွားလာခဲ့သည်။ ထို့အတွက် ကဗျာ စာအုပ်လေးတွင် ကဗျာ ပါဝင် ရေးသားသူ ၀ါသနာရှင် လူငယ် ၁၈ ယောက် ဖြစ်လာခဲ့ရသည်။

သည်လိုနှင့် ခဏခဏ ကျွန်တော်တို့ တစ်တွေ တွေ့ဆုံဖြစ်ခဲ့ကြသည်။ စာပေ အကြောင်း စကားပြော ဖြစ်လာကြသည်။ ထို့အတူ စာပေ ချစ်သူ အချင်းချင်း ဖော်ရွေ ခင်မင်လာမှုသည် မတုပ်နှောင် ရပါဘဲ ခိုင်မြဲသည်ထက် ခိုင်မြဲလာ ခဲ့လေသည်။ ၂၀၀၉ သင်္ကြန် အပြီး(၂၆၊ ၄၊ ၂၀၀၉) တနင်္ဂနွေ နေ့မှာတော့ ကျွန်တော်တို့ စိတ်ကူး ယဉ်ခြင်းတွေ၊ အိပ်မက်တွေ၊ ဆန္ဒတွေ ပြည့်စုံ လာခဲ့သည်။ “ရွှေလက်များ”လူငယ်စာပေ အဖွဲ့ဆိုပြီး လူငယ်စာပေ အဖွဲ့လေး ဖွဲ့နိုင်ခဲ့လေသည်။ အဖွဲ့လေး ဖွဲ့ပြီးနောက် ၂ ရက်၊ ၃ ရက်အကြာမှာပင် အဖွဲ့လေး အနေဖြင့် ဖွဲ့စည်းခြင်း အမှတ်တရ အဖြစ် ပထမဦးဆုံး လက်ရေးကဗျာ စာအုပ်လေးတစ် အုပ်ထုတ်ဖို့ စီစဉ်ကြပြန်သည်။

ထိုကဗျာ စာအုပ်လေးလည်း ထွက်ပေါ် လာခဲ့ရပြန်ပါသည်။ သစ်တစ်ပင်ရဲ့ လူးလွန့်စ။ စာပေ ၀ါသနာရှင် လူငယ်များ၏ ကဗျာပွဲတော်(၁)ဟူသော ခေါင်းစဉ်လေးနှင့် ဖြစ်သည်။ စာအုပ်လေး ထွက်လာတော့ နီးစပ်ရာ သူငယ်ချင်းများ၊ မိတ်ဆွေများ ထံသို့ မ၀ယ်ချင်မှန်း မသိ၊ ၀ယ်ချင်မှန်းမသိ တစ်အုပ် ၅၀၀ ကျပ် ဖြင့် အတင်း ထိုးရောင်းခဲ့ကြသည်။ မြို့လေးပေါ်ရှိ စာအုပ် အရောင်းဆိုင်များ ဖြစ်သော ယူနီယံ စာပေနှင့် ပန်းသဇင် စာပေစာအုပ် အရောင်း ဆိုင်လေးတွေပေါ် အထိ တင်ခဲ့ကြသည်။ စာအုပ် ကလေးတွေ ကုန်ခဲ့ပါသည်။ ကိုယ့်ငွေလေးတွေနဲ့ ကိုယ်စုပြီး ထုတ်ကြတဲ့ စာအုပ်ကလေးတွေ ကုန်သွားတော့ စာအုပ် ရောင်းရ ငွေလေးတွေကို ရေတွက် ကြည့်မိသည်။ အရင်းက ၃၀၀၀၀ ကျပ် ဖြစ်သည်။ စုစုပေါင်း ရတာက ၅၀၀၀၀ ကျပ် ဖြစ်သည်။

အဲသည်မှာ ရွှေလက်များ လူငယ်စာပေ အဖွဲ့လေး ပုံစံတစ်မျိုး တိုးလာခဲ့သည်။ ဘာလဲ ဆိုတော့ “ရွှေလက်များ”လူငယ် စာပေအဖွဲ့ဟူ သော ခေါင်းစဉ်လေးသည် လူငယ် စာပေ ပရဟိတ အဖွဲ့ဆိုပြီး ပရဟိတလေး တိုးလာခြင်း ဖြစ်သည်။ အဲသည်မှာပဲ အဖွဲ့လေး၏ ဖွဲ့စည်းပုံကို ရေးဆွဲဖို့ လိုလာပြီဖြစ်ကြောင်း ဆွေးနွေး မိကြပြန်သည်။ ဆွေးနွေးမိကြတဲ့အတိုင်းပဲ အဖွဲ့အစည်း၏ တာဝန် ခွဲဝေရေးကို စတင်လိုက်ကြသည်။ “ရွှေ လက်များ”လူငယ် စာပေပရဟိတ အဖွဲ့၏ နာယကချုပ် အဖြစ် ကျွန်တော့်ကို တာဝန် ပေးလာကြသည်။ ထို့အတူ အဖွဲ့အကြံပေး နာယက အဖြစ် အောင်မူး(ကလေး)၊ လမင်းအို၊ ရွှေသတ္တိ(ရူပ) တို့ တာဝန်ပေး ခံရသည်။ ဥက္ကဋ္ဌ မောင်မှိုင်းရီ (ဘူမိ)၊ အတွင်းရေးမှူး(၁)ကို ချင်း(ကလေး)၊ အတွင်းရေးမှူး(၂)မိုဃ်းဇက်သော်နှင့် အထွေထွေ အကျိုးဆောင် ဖိုးမောင်၊ ကြည်စင်ရောင်(ဘူမိ)၊ ထို့နောက် အဖွဲ့ဝင်တွေလည်း များပြားလာသည်။

ဘဏ္ဍာရေးတွင် မေ၀တီ(သင်္ချာ)နှင့် အလင်္ကာ (သင်္ချာ) တို့က တာဝန်ယူပြီး အဖွဲ့ဝင်ဦးရေ ၃၀ အထိ လူငယ်တွေ စုမိလာကြသည်။
စာပေတင်မဟုတ် ပရဟိတပါ တွဲပါလာသော ကျွန်တော့်အဖွဲ့လေး အတွက် တာဝန် တစ်ခုက ပိုလာပါသည်။ ပရဟိတ ဘာတွေလုပ် ကြမလဲဆိုသော အတွေးကတော့ အရင် ၀င်လာ၍ ပရဟိတဟု ခေါင်းစဉ် တပ်လိုက်ရခြင်းဖြစ်သော ကြောင့် ကိစ္စမရှိ။ အဖွဲ့ အနေဖြင့် ကဗျာစာအုပ် လေးတွေ ပိုက်ဆံ စုထုတ်ရမည်။ ရောင်းချရမည်။ အမြတ် အစွန်းလေးတွေ စုပြီး တကယ်အမှန် လိုအပ်သော နေရာလေးတွေတွင် ပါဝင် လှူဒါန်း မည်ဖြစ်သည်။

အခုတော့ ကဗျာ စာအုပ်၏ မသေချာသော အမြတ်ငွေများကို မမျှော် လင့်တော့ဘဲ အဖွဲ့ဝင်များ အားလုံး တိုင်ပင် ဆွေးနွေး၍ တစ်လလျှင် မိမိ မုန့်ဖိုးထဲမှ လစဉ် ၁၀၀၀ ကျပ်ထည့် ရမည်ဟု အတည်ပြု သဘောတူ လိုက်ကြသည်။ အဖွဲ့လေး အတွင်းရှိ လူငယ်တို့၏ စွမ်းဆောင်အားသည် မကြာခင် ကာလအတွင်းပင် အံ့သြစရာ ကောင်းအောင် မြင်တွေ့လာရသည်။ အသင်းဝင် လူငယ်များ၏ မုန့်ဖိုးလေးတွေစုပြီး ပထမဆုံး ရွှေလက်များ၏ အလှူအဖြစ် ကလေးမြို့ ပင်လုံရပ်ကွက်၊ ချမ်းမြေ့အောင်စည် ကျောင်းလမ်းဘေးရှိ “အေးရိပ်မွန်”အမျိုးသမီး မိဘမဲ့ ဂေဟာလေးသို့ ငွေကျပ် ငါးသောင်းကျပ်တန်ဖိုးရှိ စာရေးကိရိ ယာများကို(၆၊ ၆၊ ၂၀၀၉) စနေနေ့တွင် ဖိတ်ကြားထားသော ဧည့်သည်များ၊ စေတနာရှင်များ နှင့် မြို့ခံစာရေးဆရာများ၊ သတင်းသမားများရှေ့ တွင်ပင် မျက်မြင်ကိုယ်တွေ့ လှူဒါန်းနိုင်ခဲ့လေပြီ။

ထို့နောက် ဒုတိယအကြိမ် “ရွှေလက်များ”၏ အလှူကိုလည်း ကလေးမြို့၊ ပင်လုံရပ်ကွက်၊ မြို့ပတ်လမ်းဘေးရှိ HIVပိုး ကူးစက်ခံစားနေ ရသော ဝေဒနာရှင် လူမမယ် ကလေးငယ်များကို ထိန်းသိမ်း စောင့်ရှောက်ထားသော ခရစ်ယာန် သီလရှင်တစ်ပါး၏ “မေတ္တာအရိပ်”မိဘမဲ့ ကလေးများ ဂေဟာသို့လည်း ပရိသတ် စုံလင်စွာနှင့် အ၀တ်အထည်၊ စာရေးကိရိယာနှင့် ငွေကြေး စုစုပေါင်း ၁၁၀၀၀၀ ကျပ်ခန့်ကိုလည်း လှူဒါန်း နိုင်ခဲ့ကြသည်။ ရွှေလက်များသို့ မြို့ခံ စေတနာ ရှင်များကလည်း ပါဝင် အားဖြည့် လာကြသောကြောင့် အခုဆိုလျှင် ကျွန်တော်တို့ “ရွှေလက် များ” လူငယ်တစ်စု အိပ်မက်တွေ၏ လက်တွေ့ အကောင်အထည် ပေါ်လာနိုင်ခြင်းမှာ ပီတိတွေ၊ စေတနာတွေ နစ်မျောလို့...။





သူရ၊ကလေး

ရွှေလက်များ သတင်း

ရွှေလက်များအဖွဲ့ဝင် ကဗျာဆရာ လမင်းအိုရဲ့ ကဗျာတွေကို သီးသန့်ကြည့်ချင်သူတွေအတွက် http://laminno.blogspot.com မှာ ၀င်ရောက်ကြည့်နိုင်ကြပါတယ်။
ရွှေလက်များအဖွဲ့ဝင်တွေရဲ့ ကဗျာတွေကိုတော့ ဒီဘလော့မှာ တင်ပေးပါ့မယ်။

ရွှေလက်များ သတင်း

ပရဟိတ လုပ်ငန်းတွေ ရပ်တန့်ထားတဲ့ ရွှေလက်များအဖွဲ့ဟာ မကြာမီ လှူဒါန်းပွဲတစ်ခုကို ပြုလုပ်တော့မှာဖြစ်ကြောင်းသိရပါတယ်။ ဘယ်မှာဆိုတာ သေချာမသိရသေးပါဘူး။ နှစ်နေရာလျာထားပါတယ်။
ပါဝင်ကူညီချင်သူ မိတ်ဆွေစေတနာရှင်မည်သူကိုမဆို ကြိုဆိုလျှက်ပါ။ ဆက်သွယ်ကြဖို့က လမင်းအို---မြို့နယ်သစ်တောရုံး။အောင်မင်္ဂလာ။ကလေးမြို့။073-21001-22346။
အီးမေးလ်လိပ်စာက-trphee.91@gmail.com-atrhkl@gmail.com တို့ကို ဆက်သွယ်နိုင်ကြပါတယ်။

ရွှေလက်များ၏ ကဗျာပုံရိပ်များ

မဆပ်နိုင်သေးတဲ့ မျက်နှာတွေ

ကိုယ့်အရိပ်နဲ့ကိုယ် စစ်ထိုးတဲ့ပွဲမှာ၊
ကျောက်ခဲလိုမာကျောမိသမျှ၊
ပန်းပွင့်နဲ့ မျက်ရည်ကျရတယ် ၊
လေဟာ အရှေ့အရပ်ကတိုက်တယ်ဆိုပါဆို့၊
ငါတို့ဟာ အနောက်အရပ်ကိုပဲ လွင့်ရမယ်။
မျက်ရည်တွေမစုံနိုင်သေးသရွေ့၊
အိပ်မက်တွေ မျှော်လင့်ချက်မကုန်ဘူး ခြေရာမထပ်ဘူး။
ရေရွတ်ခဲ့ဖူးတဲ့ ပန်းခင်းတွေ
ဖောက်ထွင်းခဲ့ဘူးတဲ့ရသတွေ၊
..............................................
...............................................
ဘာပဲဖြစ်ဖြစ် မျက်ရည်ဟာ မျက်ရည်ပါ
ရွက်ကြွေလို့ အရောင်ဖျော့မှိန်ရပေမယ့်
လေအဝှေ့ကို မွေ့နေမိသေးတယ်။

လမင်းအို
ပန်းအလင်္ကာ၊ မေလ၊ 2010

ရွှေလက်များ၏ ကဗျာပုံရိပ်များ

မုန်းပိတောက်

နှစ်စဉ်နှစ်တိုင်း ငါမပျော်တဲ့ပိတောက် ရောက်လာပြီ
သူ့လောကဧရိယာက ဘယ်လောက်ကျယ်ပြန့်လို့
ငါ့ကိုအတင်းလာနမ်းခိုင်းနေတာလဲ
သူလိုကိုယ်လိုအ၀ါရောင်တစ်စွန်းတစ်စကို
ရွှေအိုရောင်အမည်တပ်လို့ခပ်ထန်
ထန်ပြုံးနေပုံက သူ့ကို ခေါင်းတုံးတုံးပစ်ချင်စရာ
ရေလေးတစ်ဖျောက်နှစ်ဖျောက်ပက်မိတာနဲ့
သူကမြူးတူးစွာခုန်ပေါက်
ဟော အပျိုမတွေရဲ့ ခေါင်းပေါ်ရောက်သွားရော
ကောင်းဗျာ...
ပြောသေးတယ် သူ့ကိုတစ်နာရီသာ ဆင်ယင်ခွင့်ရှိတယ်တဲ့
ဝေလေလေငှက်တစ်ကောင်လာနားရုံနဲ့ ပွင့်လွှာတွေလျှောကျ
ပြောရမှာလည်း ရှက်ပါတယ် ဒါဆို နှစ်သစ်ကူးပြီတဲ့
သူ့လောကဧရိယာတစ်စွန်းတစ်စကို ခပ်ထန်ထန်ပြုံးနေပုံက
တစ်ဖျောက်နှစ်ဖျောက်ပက်မိတာနဲ့ ခေါင်းပေါ်ရောက်သွားရော
သူ့ကိုတစ်နာရီသာ ဝေလေလေငှက်တစ်ကောင်လာနားရုံနဲ့
ပြောရမှာလည်း ရှက်ပါတယ် ဘယ်လောက်ကျယ်ပြန့်လို့
ရွှေအိုရောင်အမည်တပ် ခေါင်းတုံး တုံးပစ်ချင်စရာ
သူကမြူးတူးစွာခုန်ပေါက် ကောင်းဗျာ
ပြောသေးတယ် ပွင့်လွှာတွေလျှောကျ
နှစ်သစ်ကူးပြီတဲ့ ငါ့ကိုအတင်းလာနမ်းခိုင်း
သူလိုကိုယ်လိုအ၀ါရောင် ရေလေး
ဟော... အပျိုမတွေဆင်ယင်ခွင့်ရှိတယ်တဲ့
ဒါဆို နှစ်စဉ်နှစ်တိုင်း ငါမပျော်တဲ့ပိတောက် ရောက်လာပြီ။

လမင်းအို
ရတီ၊ ဧပြီ၊ 2009

ရွှေလက်များ၏ ကဗျာပုံရိပ်များ

ခေါင်းလောင်းသံတွေကြားတိုင်း

စာကိုမသိလို့ ပြာယာခတ်နေခဲ့တာ ကျွန်တော်ပါ
ဆာလောင်မှုတွေ ရှိတိုင်း စာစာလို့ အော်ညည်းမိတာ
ကျွန်တော့မှာ ပြစရာဆိုလို့ လူရာမ၀င်တဲ့ ဝေဒနာတွေပဲရှိတယ်
မနက်တစ်ခါ ညတစ်ခါ စာအုပ်တွေကို ရှိခိုးလို့
ခေါင်းလောင်းသံတွေကြားတိုင်း လွယ်အိတ်လွယ်ခွင့် မရှိတဲ့
ပစ္စုပ္ပန်ကိုပဲ ရင်နာမိတယ် သားကျောင်းတက်ပါရစေ အမေ
ဒီလိုပြောလိုက်လို့ အမေ့မျက်နှာ ဟိုဘက်လှည့်မသွားပါနဲ့
ဟိုမှာ ကျွန်တော့သူငယ်ချင်းတွေ စာအံနေပါလား
ကျွန်တော့ကို ကကြီး၊ ခခွေး ပြောပြပေးပါလား အမေရယ်
စာကိုမသိလို့ စာစာလို့ အော်ညည်းမိတာ ကျွန်တော့်မှာ
ပြစရာဆိုလို့ ဝေဒနာတွေပဲရှိတယ် မနက်တစ်ခါ ညတစ်ခါ
ခေါင်းလောင်းသံတွေကြားတိုင်း သားကျောင်းတက်ပါရစေ အမေ
ဒီလိုပြောလိုက်လို့ ဟိုဘက်လှည့်မသွားပါနဲ့ ဟိုမှာ
ကျွန်တော့်သူငယ်ချင်းတွေ ကျွန်တော့်ကို ပျာယာခတ်နေခဲ့တာ
ဆာလောင်မှုတွေရှိတိုင်း လူရာမ၀င်တဲ့ စာအုပ်တွေကို ရှိခိုးလို့
လွယ်အိတ်လွယ်ခွင့် မရှိတဲ့ ပစ္စုပ္ပန်ကိုပဲ ရင်နာမိတယ်
အမေ့မျက်နှာ စာအံနေပါလား ကကြီး၊ ခခွေး
ပြောပြပေးပါလား အမေရယ် ကျွန်တော်ပါ။

လမင်းအို
သာစည်ရွာ၊ ကျောင်းစိန်ရတုအထိမ်းအမှတ်စာစောင်၊2009

ရွှေလက်များ၏ ကဗျာပုံရိပ်များ

ကတိ

အချစ်သိလား
မောင့်အသွေးသားတွေ
မင်း အတွက်ပဲ ဖြစ်စေမယ်
သို့ဂလိုပဲ
အချစ်သိလား
မောင့် အကြွေးဇယားတွေ
မင်းအတွက်ပဲ ဖြစ်စေမယ်(ဟဲ ဟဲ)။ ။

လမင်းအို
သောကြာစာစောင်၊ ဒီဇင်ဘာ၊ ၂၀၀၈

ရွှေလက်များ၏ ကဗျာပုံရိပ်များ

သတင်းကောင်း

ဒီကမောင်မှာ
ဆေးမဆောင်ဘဲ
ပီယသိဒ္ဓိအောင်နေ၏။

မည်းမည်းကြုတ်ကြုတ်
ဝတုတ်တုတ်က
မောင်လေးမ..အား
မထားခဲ့နဲ.။

မျက်နှာပြဲပြဲ
သွားကျဲကျဲက
ကိုကြီးမီးကို
ပစ်နဲ.ဆို။

နဖူးမောက်မောက်
နှာရောင်ကောက်က
ချစ်သူသက်ဆုံး
ပစ်မမုန်းနဲ.။

ထို.ကြောင့်
ဒီကမောင်မှာ
ဆေးမဆောင်ဘဲ
ပီယသိဒ္ဓိအောင်နေ၏။

ရယ်၊ချစ်သူများ
စိတ်ဝမ်းပါးလျှင်
ကျုပ်ထံဆက်သွယ်နိုင်ပါ၏။

လမင်းအို
သောင်းပြောင်းထွေလာ ရယ်စရာ၊ နိုဝင်ဘာ၊ 2008

ကလေးမြို့က ရွှေလက်များအကြောင်း

ကလေးမြို့တွင် ကမ္ဘာကဗျာနေ့ကို ၂၀၁၀ ခုနှစ် မတ်လ ၂၁ ရက်နေ့တွင် ရွှေလက်များ လူငယ်ပရဟိတ အဖွဲ့မှ ဦးဆောင်၍ မင်္ဂလာဥယျာဉ် ကျောင်းတိုက်တွင် ကျင်းပခဲ့ပါသည်။ အဆိုပါ အခမ်းအနားတွင် ကလေးမြို့မှ စာရေးဆရာကြီးများ ကဗျာဆရာကြီးများ ကဗျာ ဆရာ ငယ်များ စာပေ ၀ါသနာရှင်များ တက်ရောက်၍ ကလေးမြို့၏ စာပေလှုပ်ရှားမှု အကြောင်း နှင့် ကဗျာ ရွက်ဖတ်ပွဲများ ပြုလုပ်ခဲ့သည်ဟု သိရှိရပါသည်။
ရွှေလက်များ လူငယ်ပရဟိတ အဖွဲ့ကို ကလေးမြို့မှ လူငယ် စာရေးဆရာများမှ ၂၀၀၉ ခုနှစ် ဧပြီလ ၂၆ ရက်နေ့တွင် စတင်ဖွဲ့စည်းခဲ့ပါသည်။ အဆိုပါ ရွှေလက်များ အဖွဲမှ ပရဟိတ ဆောင်ရွက်မှု များအနေဖြင့် (၆.၆.၂၀၀၉) ခုနှစ်တွင် အေးရိပ်မွန် မိဘမဲ့ ဂေဟာတွင် ကျပ်ငွေ ငါးသောင်း တန်းဖိုးရှိသည် စာရေးကိရိယာ ပစ္စည်းများကို လှုဒါန်းခဲ့ပါသည်။ ဒုတိယ အကြိမ်အဖြစ် ပင်လုံရပ်ကွက် မြို့ပတ်လမ်းရှိ မေတ္တာ အရိပ် HIV ပိုး ကူးစက်ခံထားရသည့် ကလေးများအတွက် ကျပ် တစ်သိန်းတစ်သောင်း တန်ဖိုးရှိ အ၀တ်အထည် စာရေးကရိယာ ငွေကြေး တို့ကို ပေးလှုခဲ့ပါသည်။ တတိယ အကြိမ် ဆောင်ရွက်မှုအနေဖြင့် ပြည်သူ့ ဆေးရုံးတွင် ကျေးရွာမှ ငွေကြေးမမတ်နိုင်သည့် ကလေးငယ် လူနာ တစ်ဦးအား ကျပ်ငွေ တစ်သောင်း ထောက်ပံ့ ပေးအပ်ခဲ့ပါသည်။ ယခုအခါ အဆိုပါ ရွှေလက်များ အဖွဲ့တွင် အဖွဲ့ဝင် (၃၀) ကျော်ခန့် ရှိပြီး ၄င်းတို့၏ မုန့်ဖိုးများထဲမှ တစ်လလျှင် ကျပ်ငွေ တစ်ထောင် ကျပ်စီ စုပြီး စုဆာင်းရရှိသော ငွေများကို ပရဟိတ လုပ်ငန်းများ နှင့် မိဘမဲ့ ကျောင်းများသို့ လှုဒါန်မည်ဟု သိရှိရပါသည်။ စေတနာရှင်များ ဆက်သွယ်လှုဒါန်းလိုပါက သူရ(ကလေး)ဇဗ္ဗူထွန်း ကွန်ပျုတာ
ပန်းချီ အောင်မူး၊သော်တာစံ(ကလေး)၊ရွှေသတ္တိ(ရူပ) တို့ထံတွင် ဆက်သွယ် လှူဒါန်းနိုင်ပါသည်။

ကလေးမြို့က ရွှေလက်များ

ရွှေလက်များ လူငယ်စာပေပရဟိတအဖွဲ့မှ ဦးဆောင်ကျင်းပသည့်
ကမ္ဘာ့ကဗျာနေ့အထိမ်းအမှတ်အခမ်းအနား
ကို 21.3.2010 (တနင်္ဂနွေနေ့)တွင် မင်္ဂလာဥယျာဉ်ရပ်ကွက်၊
မင်္ဂလာဥယျာဉ်ကျောင်းတိုက်တွင် ကျင်းပခဲ့ကြောင်း သိရပါသည်။ ကလေးမြို့တွင်
ပထမဆုံးအကြိမ်ကျင်းပခြင်းဖြစ်ပြီး 2006 ခုနှစ်တွင် တမူးမြို့တွင်
ကျင်းပခဲ့ဖူးကြောင်း သိရသည်။ ၄င်းပွဲသို့ ကလေးမြို့ခံ
စာပေသမားများဖြစ်သော ဆရာသန်းရွှေဦး(ကလေး)၊ ဆရာမြရွက်၊
ဆရာမောင်ယဉ်အောင်(ကလေးမြို့)၊ ဆရာမောင်ကိုမောင်(ကလေး)တို့နှင့်
ရွှေလက်များလူငယ်စာပေပရဟိတအဖွဲ့ဝင်များဖြစ်သော ဆရာ သော်တာစံ(ကလေး)၊ ဆရာ
ဇွဲဆုပန်(ဆားလင်းကြီး)၊ ဆရာ လင်းဖွဲ့အိမ်၊ ဆရာသူရ(ကလေး)၊ ဆရာ လမင်းအို၊
ဆရာ မိုဃ်းဇက်သော်၊ ဆရာ မောင်မှိုင်းရီ(ဘူမိ)၊ ဆရာ
ကြယ်စင်ရောင်(ဘူမိ)နှင့် အဖွဲ့ဝင်စာပေ၀ါသနာရှင်များတက်ရောက်ကြပြီး
ကမ္ဘာ့ကဗျာနေ့အထိမ်းအမှတ် စာပေစကားများပြောကြားခြင်း၊
ကဗျာများရွတ်ဖတ်ခြင်းများကို ပြုလုပ်ကြပြီး မြို့ပေါ်မှ
စာပေ၀ါသနာရှင်များတက်ရောက်နားထောင်ကြကြောင်း သိရပါသည်။
အထူးအစီအစဉ်အနေဖြင့် ရန်ကုန်မြို့မှ တာဝန်ဖြင့်ရောက်ရှိလာသော ကဗျာဆရာ
မြတ်ဝေ မှ အမှတ်တရ ကဗျာရွတ်ဖတ်ပေးခဲ့ကြောင်းလည်း သိရပါသည်။ ၄င်းပွဲကို
စူပါကော်ဖီမစ် မှ
စပွန်ဆာပေးခဲ့ပြီးအောင်မြင်စည်ကားသိုက်မြိုက်စွာပြီးဆုံးခဲ့ကြောင်းပါခင်ဗျာ။
။